جات العطله وجات الزواجات وجات فساتين السهره الله يعين

السلام عليكم ورحمة الله وبركاته

في شي بصدري من زمان ودي اقوله ولكن قلت خلي لين يجي وقته وهذا هو جا
وهي

العري في فساتين السهره
بتقولون وش فيها
اولا والعياذ بالله التعري يإما الظهر برا ولا الكتوف ولا البطن ولاالساق والفخذ وش خليتي
بعض الحريم لما اناقشها تقول انا خلاص متزوجه يعني اللي كان حرام من قبل صار حلال على ان اغلب البنات صارو يلبسون عاري بعد
وبعضهن تقول مايباع الا عاري مافي بالسوق ساتر يختيماهو عذر ودي لاقرب خياط او مشغل ويستر الظهر لكي بموديل حلو ويتفننلك بالاكمام
وخلاص بعظهم تقول البس شال على الفستان لكن شوفيها لابغت ترقص فكت الشال وربطته على جسمها وهات يرقص ولا كل شوي وهو طايح
ايضا الاعظم والامر لمى بعض زميلاتى يوروني صورهم في زواجهم او اي زواج اخر القاها متصوره مع اخوانها وابوها وهي لابسه عارى وحده من البنات ورتني صورة ملكتها وكانت متصوره مع اخوها فقعدتانصحا وقلتله ليش لابسه كذا قدام اخوكي تدرون وش قالت بس وفت التصوير ولا انا استحي البس قدامه كذا
طبعا هذا عن العري في فساتين السهره نجي للموضوع الثاني وهو

اسعار فساتين السهره

لاحظت كثير من الحريم والبنات لايمكن تشتري او تخيط فستان باقل من 500ريال يمكن تضحكون علي لاني ماعمري فستان باكثر من200ريال ولله الحمد وانا معلمه وراتبي كويس ولله الحمد
شفت بنات شارين فستان ب1700ريال وحده ب980 ريال واسعار الاقمشه اللي صارت فوق 1000ريال واخياطات اللي سارو مايخيطو باقل من 500والله احنا اللي طمعناهم فستان مايلبس الا مره وحده او مرتين ونشتريه بهذي القيمه اي شي ممكن ياثر عليه ومعاد ينفع ولا يتصلح ممكن تجيه بقعه ممكن يطيح الخرز ممكن يتقطع اوممكن اسمن وماعاد يجي علي ومااقدر البسه فالبيت عشان استفيد منه
والخياطات الموديل بسيط جدا وتقلك بثمانميه والله لو تروحين للخياطات اللي يخيطون فالبيت تلقينهم يخيطون باقل من 100ريال
وامحلات تبيعلك الفستان القماش ساده بس فيه حركة موديل غريبه
ب1000وفوق مع انه ماكلفهم يمكن 50ريال
بقولكم تصدقوا بتقولون هذا بينا وبين ربنا لكن بقولكم هالفستان اللي شريته ب1700او2000ماكان نفسك تشترين غساله اتومتيك تبقى عندك سنين بدل من شي يبقى يوم واحد ماكان نفسك بعجان كينوود او غساله مواعين او لاب توب او جوال اواثاث وكاها تاجلينه تقولين مامعي قيمتها اللحين ولما يجي حزة الفستان تطلع الفلوس
وحده من الزميلات قالتها وحده دوريلي فستان قيمته 500لزواج اخوي قالت تدورين ب500 هذي كلها زباله لكن والله يبنات رحت من البكره وجبتلها فستاني حق زواج خواتي وكان ب265ريال سعودي ويوم شافته قالتلي اعطيه من 1000وفوق وللمعلوميه كل الي بالزواج عجبهم ويسالوني من وين جايبته ووحده من زميلاتي ماشاالله عليها راحت لابوخمسه ريال وشرت اقمشه منه وراحت اختارت موديل وفصلته ب40ريال والقماش ب40 ومع الاكسسوار والجزمه والشنطه كلفها كله 120 ريال وحضرت فيه زواج اخوها والكل عجبه فستانها
مره قلت لوحده من زميلاتيشرت فستان غالي ثاني مره حطي تكت سعر الفستان علا الفستان والبسيه زي البطاقات حقة الدكاتره عشان الناس يعرفو انك شاريته غالي


اتمنى انكم تكونوا استفدتوا من موضوعي
وادعولي بالهدايه وان الله يصلح عيالي وزوجي وشكرا