جات تخطبني الساعة ٩ الصبح

بقولكم الشي اللي صار معاي أمس


في وحدة تعرفت عليها وأخوها يدور على زوجة


وهي أمها مسافرة وأنا بعد


كلمتني قبل أمس وقالت لي إن شاء الله بنزوركم وما قالت متى ولا سألتني متى يناسبكم قلت خلاص الموضوع مطول وأصلاً الوقت مو مناسب


ثاني يوم اللي هو أمس الساعة ٩ الصبح أنا أصلاً قمت من النوم بس لسا يعني ما تنشطت اتصلت علي وقالت لي وين البيت بالضبط؟ أنا قريبة!!!


أنا انصدمت ما عرفت شو أقول لو يرجع بي الزمن كان قلت لها معليش الوقت مش مناسب بس للأسف


قمت في خمس دقايق رتبت المجلس قلت اخذ شور سريع ما لحقت اتصلت قالت انا وصلت 😑


ما لحقت حتى أحضر لها ضيافة


جات هي و وحدة ثانية حتى ما عرفتني عليها قعدوا ساكتين قلت يا بنت معليش هم ضيوف عندك


مسكت أنا الحوار كيفكم وكيف الأهل وهالكلام بعد شوية قمت اسوي لهم شي يشربونه


أول ما شربوا قالت لي أعطينا صورة لأخوي وأنا أصلاً بسبب طريقتهم رفضت الموضوع تماماً قلت لها لأ نأجل الصورة إذا تفاهمنا خلاص يجي الشوفة في البيت


خلصوا عصيرهم وراحوا


شو رايكم بس بالموقف الغريب