كوبونات الراقية تسجيل الدخول

بنت رجال

جارتنا

الأسرة والمجتمع •

استغفر الله والله احس بذنب وانا اتكلم فيها وش تنصحوني اسوي معها اذا جت جابت كل عيالها وازعاج وقلة ادب مستحيل تقول لهم شئ وفوق هذا من العصر لين الفجر جالسه ماتشيل كاسه والعشاء لازم ا ماتحرك الا تتعشاء اسنين وحنا على هالحال وعندنا ابوي الله يطول بعمره ينام بدري وسبق وان لمحت لها ولكن بدون فايده حتى لو منرد تكسر جولات العايله كلها يعني بجيكم غصب عنكم وبالاخير ارسلت لها رساله وقلت لها اذا بغيتي تجي العصر حياك الله اما بالليل مانستقبل احد امي زعلت علي تقول فشلتينا معها والان حسيت بالذنب هل انا سويت شئ يسئ للجار علما ان هذي طريقتها بالجيران كلهم يعني كل خميس في بيت وايام العطله تزداد حالتها ولكن حنا مزودتها علينا احس ان كرهتها بصراحه اكتب وامس مدري وش اكتب من القهر شكلنا بنهاجر من السعوديه والسبب هالجاره:angry2:
22
2K

يلزم عليك تسجيل الدخول أولًا لكتابة تعليق.

تسجيل دخول

عتيبية ذوق
عتيبية ذوق •
الله يكوووووووووون بعوونكم حاولي انت تتكلمين معهااا قولي لبوي مايحب ازعاج الاطفااال يعني باسلووووب حلو وهادي موطرده
توته وسالي
توته وسالي •
بالعكس لا تكذبي على نفسك وعليها
قوليهل لها في وجهها مو بظهرها
الي مايستحي منك لا تستحي منه
هيه المفروض تستحي على دمها الزياره في الاسلام لها ادابها
نونا وبس
نونا وبس •
ماغلطتى ابدا
لو انا رااح اخليها تدق البااااااااب والجوال لما تتعب
رنة الخلخـــال
رنة الخلخـــال •
وليه تعطونها وجه قفلو جوآلاتكم وافصلي تليفون البيت والجرس ولا من شآف ولا من دري !!

اذا هي ماتستحي الله يهديها وشوله انتي تستحين منها ؟؟
بنت المشايخي
بنت المشايخي •
حرام تصدجي كسرت خاطري اكيد ملانه ولا تحبكم لو ماتحبكم ماكان جتكم حرام كسر الخواطر...علشان امك استحملوها.