رموز من الماضي :

بيتهم كان بينه وبين بيت اهلي أمتار بسيطة بيتهم ثم بيت عمة امي ثم بيتنا امي شابة عمرها اقل من ٣٠سنة متزوجة من أبي عندها بنوتة وحده اللي هي احم احم انا حتة سكره طبعاً واخوي من امي لأن امي كانت متزوجة قبل أبي وعندها ولد اكبر مني بست سنوات كانت امي اصغر من جارتنا يمكن ب٢٠سنة علاقتهم بدأت بمعرفة بسيطة ثم جيرة وعلاقة صداقة وأخوة وطيدةإستمرت ٣٠سنة جارتنا كانت تصحى الفجر تصلي وتجهز لزوجها القهوة وتحط له التمر والسمن او التمر وزيت السمسم وتروح عند غنمها تحط لها الشعير والبرسيم والمويا وترجع البيت تشوف زوجها إذا ماصحي تصحيه لأن هو عنده غنم بعد يروح يتفقدها ويرجع يتقهوى ويلاقيها جهزت فطوره بر وسمن او خمير او عيش ولبن حسب المتوفر هي تكنس بيتها وتفتح الراديو ترفعه على طاولة صغيرة وعندها ترمس صغير تملاه مويا وثلج وتحط عليه كوب للشرب وتحط قهوتها وفطورها أحياناً زوجها يفطر عندها وأحياناً ياخذ فطوره ويطلع عند جماعته او يروح الوادي كانت معاه سيارة وكان يسوقها بالبركة مره دعس ضان ومره دعس بنت وسلمت بس تكسرت ومره صدم رجال ومات لكن كان في كل مره يطلع منها بسلام والناس يسامحونه لأنه غشيم والرجال اللي صدمه دخل السجن ودفع الدية وطلع لأنه كان حادث المهم نرجع لجارتنا في وسط بيتها العامر بعد ماتفطر وتتقهوى تغفي شوي على صوت الراديو إلين تسمع صلاة الظهر تقوم تصلي وتجهز غداها وع الساعة ٢تاخذ من الموجود عندها اكل لبن رايب بسكوت لوز المتوفر وتحطه تحت عباتها وتبدأ زيارتها اليومية لأمي امي تكون طبخت ونظفت ورتبت وجهزت الشاي لأنها تنتظر على الموعد طبعاً أبوي كان موظف وكان مايجي إلا في الخميس والجمعة الشاي بين امي وجارتها له طقوس خاصة جارتها اختها حبيبتها قولوا ماشئتم عن علاقة هاتان المرأتان الخاصة والخاصة جداً تحضر امي الشاي وقطع الليمون واوراق الحبق والنعناع وأحياناً التمر والقهوة ويبدأ حديث القلب للقلب وبوح الروح للروح وانا استمع وارى وأشاهد .........يتبع كلما أسعفني الوقت

بيتهم كان بينه وبين بيت اهلي أمتار بسيطة بيتهم ثم بيت عمة امي ثم بيتنا امي شابة عمرها اقل من...

رموز من الماضي :

سأكمل فيما بعد

سأكمل فيما بعد

لؤلؤه20 :

استمتع بقراءة القصص الواقعيه واضافة لها في ذكريات من الماضي الجميل في انتظارك باقرب وقت 😘🌹

استمتع بقراءة القصص الواقعيه واضافة لها في ذكريات من الماضي الجميل في انتظارك باقرب وقت 😘🌹