ولله دنيا غريبه

الان هو العقيم ومع صبرك عليه كل هالسنين يروح يتزوج بعد؟

بس الاغرب انتي

ترا رب العالمين عطانا خيارات بحياتنا عشان نختار

وتعليق كل شي على الظروف هاذي سلبيه تفكير وشخصيه

انتي ضيعتي الي يكفي

اعتقد ان الاوان تشوفين حياتك صح وتمشين الظروف لصالحك ولا عليك من احدددددددد

خليك قووويه

وش هالحياة الي ترضينها لنفسك؟

بالاخير عايشه بقهر وحرقه وبعد عن الناس والحياة وانتي الي اصلا مظلومه؟

وانتي الي كنتي تقدرين تنجبين وتعيشين من زماان؟

بطلي سلبيه وتخاذل وضعففف

صدق الله الحق

ولكن كانو انفسهم يظلمون

يختي قوي قلبككككككك شوي وخدي قرار وبتشوفين لذه الانتصار بالحياه وبتتحسفين انك ضعفتي وسكتي عن حقك

وسالفه انك تنقهرين زوجته بيضا ولا زرقاء ولا بدون لون حتى هذا قمة الغباء الحين

لان الي مثلك مر على راسهااااا سنين صبررر

وهذا تفاهه تفكير

واذا جميله وبيضا يعني هذا سبب سعاده وحياة زوجيه؟

ولا تغيري عليه وهو بايع فيك بالاخير بعد صبرك؟

المفروض مشاعرك عقلانيه اكثر الحين

لان ثورة مشاعرك عليه راحت ايامها والي سواه معاك يكفيك
نصيحه لك

سيطري على حياااااااااااااتك

وعيشي الباقي منها زي ما انتي تبيييييييييييين

انتي

ولا عليك من اي مخلوق

والي يزعل يصك راسه بالجدار

اختاري

يا حياة جديده ب امل وزواج وانجاب

يا استمرار حياة سابقه وبزياده عايشه مع شخص خاذلك ولا مقدر صبرك وراح عاش وتزوج

اختاري صح

وتوكلي على الله

واذا انفصلتي عنه

ارجعي لنفسك الي ضيعيتها واحتسبي الاجر من الله وبس

توظفي وارجعي للناس والحياة واهتمي بنفسك وانوثتكك

وخلي لحياتك هدف

وروحي عمره وادعي ربي يرزقك زوج فيه خير ويعوضك

و****لله تتزوجين وتأسسين حياة واطفال
الله يعينك وينصرك

الله يكون بعونك
عليك بالاستغفار والصدقه
وربي يفرج همك





استغفرالله العظيم

بالعقل ياحلو ه كيف حلوه وبيضاء وترضى تتزوج واحد متزوج وعقيم
والله انت اللى غريبه مفهومه ياحبيبتي

شهدت موقف مشابه وضحكنا منه كثير
وحده تقول حرمته طويله وفارعه
والله طلعت قصيره جدا جدا جدا
كله خلقة ربي بس الغريب في هالعالم اللى ماتستحي في الكذب الصريح
وانتى ليه تفكري في شغلات مالك فيها
فكري في نفسك
اللحين انت مقرره تكملين مع هالرجال اوكي تمام
والرجال قاعد يسوى محاولات عشان يعيش افضل والدليل راح وتزوج
وانت بتجلسين تراقبين وين راح وايش سوى
حبيبتي سوي مثلي

شوفي مع اني خلفت بنت لكن جلست سنين بعدها ماحملت رحت وجبت لي يتيم وربيته واخذت دواء ورضعته وصار ولدي من الرضاعه واخو بنتي
وهذا هو مثل القمر عمره 3 سنين ونص
والله ان الحياه قصيره على الاقل اعتبريه مشروع العمر لدخول الجنه ومرافقه الرسول عليه الصلاة والسلام
بكره تكبرين وتقولين ليتني سويت شي كبير في حياتي ينفعني
وغير كذا والله تنبسطين اذا كبر شوي وتفرحين اذا راح المدرسه وتفرحين اذا تخرج من الجامعه واذا بنت تفرحين اذا انخطبت
واهم من هذا كله تصيرين جده
اموت واصير جده هههههههههه
الله يبلغنا ويبلغك

واذا زوجك مو راضي اكثري من الاستغفار وصممي عليه بقوه ودخلي ناس
والله راح تدعيلي

الله يكوووون معك

اختي صبرت وصبرت بقولك كم كلمة وخليها براسك دايم البياض والجمال والصغر باالسن كلللللللللللللله يروح تدرين وش اللي يبقى الاخلاق انتي ماعليك من أحد زوجك تزوج وخلاص ورجعتي له انتي لانك تحبينة خلاص وانا اختك خلي المشاكل على جنب وابدئي حياة جديدة زوجك اهتمي فية وهلي ورحبي واعطية واجباتة وتكشخي وتسنعي ولايشم فيك وفي بيتة الا احلا العطور والبخور وكل يوم سوي له طبخة وحلا جديد واستانسي بحياتك صدقيني يوم تتبسمين بوجهه وتبعدين اي موضوع تدرين ان نهايتة مشكلة بتتغير حياتك لو ماتتغيرين زوجك بيتغير وبيصير معد يحب يجي عندك ونصيحتي يا اختي ماعليك من زوجتة طويلة قصيرة بيضاء والا اللي يجي ماعليك انتي اكسبي زوجك وحببية فيك وجارتك والا صديقتك والا قريبتك اي احد يقول زوجة زوجك كيف شكلها والا كيف اخلاقها قولي الله يستر علي وعليها ما احب احد يتكلم بها عندي
لووقفتي الواحد عند حدة من البداية صدقيني ماعاد بيفتحون السالفة حياتك لاتهدمينها ابد انتي توك صغيرة وبنظري عروس عندك بنات حواء والنعم فيهم مايقصرون المنتدى كلها اقسام من طبخ وتجميل وكل شي غيري حياتك لاتقفلين على نفسك من زيارات وغيره وادعي ربي يسخر لك زوجك ويسعدك