جارتي 🤐

السلام عليكم ..


بدخل بالموضوع على طول ..
انا ساكنه في عماره و ساكنه تحتي جارتي و الثاني جنبي ..
المهم كنا نتزاور و نشوف بعض .. و وحده من جاراتي احبها حيل و اعزها لها معزه خاصه و ماتقصر معاي ولدت مرتين ماقصرت و حتى و انا مريضه تهتم و تسأل الله يجزاها خير ..
هي احيانا ترسل لي انها فاضيه و اذا انتي فاضيه انزلي لي تحت و لما اقول لزوجي يرفض معاً اول كان عادي ( اذا انا كنت مشغوله اعتذر لها و اذا فاضيه استاذن زوجي ) بس قبل فتره قصيره صاير يرفض يقول لا ماعندي زيارات مالها داعي ..
و اقوله كيف مالها داعي .. قال انا ماعندي مشكله تروحين لها بس تقولك قبلها بوقت يعني تخبرك بدري و تكون العزيمه بمناسبه ..
اقوله كيف تبيني اتشرط على الحرمه اقولها اعزميني قبلها بوقت و بعدين ايش اللى تغير كنا قبل نتزاور ..
قال كلامي واضح اي احد من جاراتك او اقاربك قالك تعالي لي بنفس اليوم و بدون ترتيب ارفضي على طول بدون لا تقولين لي لاني برفض ..


و قبل شوي كلمتني تشره تقول وينك قاطعه و تعذرت منها لان قبل فتره كان زوجي فعلاً تعبان وانشغلت وياه الحين فاضيه اغلب وقتي و زوجي رافض كمان اني اكلمها و اقولها بجيك ..
يقول الحرمه مو فاضيه لك .. و اقوله اذا هي مشغوله اكيد بتعتذر لي مابينا حواجز ..


و الحين ماني عارفه وش اقولها اخبرها عن كلام زوجي او اسكت !؟
اقولها انه رافض ولا لا !؟
مابيها تحس اني ماابيها او ماابي اشوفها بالعكس ودي بشوفتها بس حكم القوي ع الضعيف ..
ناويه اعزمها بكرهه بس ايش اقولها لو سألتني !؟