جارتي الحبيبه ماذا افعل معها

كيفكم يابنات لكم وحشه كبيره من زمان ماكتبت لكم بس اليوم حابه استشيركم بشي وان شاء الله ماتكون مشكله مجرد استشاره
عنده جاره جديده مره طيبه وحنونه وتعتبرني اختها مثل ماانا اعتبرها اختي ولكن فيها أشياء سلبيه تزعلني منها بس طبعا مااقول لها احنا صرنا مثل الاخوات لانه حالتنا قريبه من بعض هي ناقله جديد زيي وماعندها احد ومتاخره بالحمل بسبب زوجها نفس حالتي وضروفنا قريبه من بعض ودايم نفضفض وشبه يوميا يااجيها او تجيني البيوت قريبه من بعض ولكن الشي السلبي فيها
دايم تهذر علي خواتها انهم موظفات بس بخيلات وهذي راتبها 12 الف وماتعطي امي وهذي راتبها 8 الاف وكل تقول ماعندي واذا سافرو او راحو مكان بدون مايعلموها تقعد تبكي وتجي تفضفض لي مع العلم انا اعلمها بكل شي ماعندي شي اخشه حتي لو بروح xxx اعلمها او تتصل علي وينك أقول لها طالعه اتعشي مع زوجي بره وبالمقابل هي أي سفره ماتعلمني سواء مكان قريب او بعيد ودايم تذم بزوجها وانه مقصر بكل شي ومايسوي لها أي شي ولا يطلعها ولا يعطيها وبعدين اشوف بالسناب طلعات عشا او غدا او هدايا انا ماادري ليه هي تسوي كذا هل هي خايفه من العين انا مو حسوده نهائيا ولو حسوده مابعلمها بكل شي
أحاول اني اعاملها بالمقابل ولا اعلمها كل شي لكن احساسي قد ايش هي قريبه مني يخليني أقول لا وهذي شغلات عاديه وخير لو رحنا xxx او طلعنا عشا بس حاز بخاطري ليه ماتعلمني زي مااعلمها صرنا قراب من بعض كثير
واحس كل مشاكلها وهمومها واسرارها عندي فليش تخبي علي شغلات سخيفه جدا انا مستغربه منها وشي ثاني احسها تتكلم عن الفلوس والماده كثير فلانه عندها هذا عنده ارض وبيت وهذي عليها ذهب كثير ودايم تندب حظها مع اني اشوف مستواها كويس وعايشين ولله الحمد هالشي يخوفني منها كثير وش تنصحوني كيف اتعامل معاها بالضبط بدون لا اخسرها او تخسرني اعرف غلط اعلمها كل شي بس جد حسيتها اكثر من اخت وقلوبنا علي بعض ياريت تفيدوني خواتي