جارتي الغريبه العجيبه !!

السلام عليكم ورحمة الله وبركاتة
اسأل الله ان يرزقنا الجنه اجمعين ❤️
تعرفت على جاره كبيره عمرها في اول ٥٠ مارزقها ربي ذريه الله يعوضها ومالها أقارب ابد لا هي ولا زوجها هم من منطقه بعييده جايين عشان دوام زوجها لها حاليا ٤ سنوات في منطقتنا
حبيبه جداا وطيبه وحنونه لكن مع العشره لاحظت عليها في البدايه كأنت تقول عن نفسها انها غبيه وعجوله وماتركز ومفهيه
واستغرب منها ومن نعتها لنفسها وتقول ماعرف احد ماطلع من البيت ومع السوالف اكتشفت انها تعرف الناس وان لها علاقات مرات تقول اني اشوف التلفزيون اقضي وقتي فيه وبعدين تقول ماشوف لا الجوال ولا التلفزيون اني ماغير اشتغل في البيت للمعلومية بيتها شقه جدا صغيره مرات إذا تعبت تتصل علي كأني دكتوره وتسألني اسأله غريبه مثل تحليل البول يبين إذا فيك التهاب ؟؟ وتعيد السؤال كم مره
سونار الرحم يبين إذا فيك مشاكل وتعييد كم مره
من تتعب تتصل علي تستشيرني والله طاح حيلي منها ومع السوالف اكتشفت انها تروح لأقاربها سفر وتنام عندهم وانا اول ماعرفتها رحمتها حيييل قلت شكلها وحده

مرات تقول الجو حار مايصلح نطلع حديقه كيف الناس تطلع وعبايه وكتمه وبعدين تقول وش رايك نطلع للحديقه ومره حطت كريم على وجهها وكم مره تسألني هو زين مناسب لي ؟؟
وتسأل كم عدد غرف بيتكم تجيبين شغاله بالساعه وتعيد كم مره اسألتها
رحنا مره لزياره وحده من الجاراة كأنت على وجه ولاده وزوجها كبير في السن ومعدد تدرون وش قالت لها قالت وش الفايده من العيال ابوهم شايب وبكره يتزوجون العيال ويروحون عنك
واذا سولفت معي ماتعطيني مجال اتكلم كله تقاطعني في الكلام تتكلم وتتكلم وتقول مابي اقاطعك وتكمل كلامها احيان اقول شكل فيها قلق وخوف من العين اول ماتعرفت عليها تسب زوجها سب ومن بعدها نهائي ماتقول عنه شي الله يسخرهم لبعض اني الصراحه فرحت بجيرتها لكن تعبت من طبعها احس فيها مشكله وعدم ثقه في نفسها بالله وش اسوي معها