عباتي سر حلاتي @aabaty_sr_hlaty

عضوة فعالة

جارتي ا×××وسلفتي الله يكفيني شرهم

صباح \ مساء الخيرات

موضوعي بدون مقدمات
جارتي ××× مستاجره عندنا في العماره اول ماسكنت رحبنا فيها وساعدنها في الترتيب وحبيناها في الله وحبتنا جميعا اللي هم انا وعمتي ام زوجي وبنناتها والسلايف كانت قمه في الاخلاق والتواضع

مرت سنه وهي قمه في الاخلاق بغض النظر عن تصرفات زوجها العصبيه وحبه للمشاكل :)

في يوم من الايام اولادنا يلعبون في الحوش وقفلو باب العماره بالقفل وكل واحد راح بيته ونام ونسو القفل

وقتها جا زوج ا××× وهو للعلم ××× مثلها حاول يفك الباب لقاه مقفل

جلس يدق بقوه لين ماصحي زوجي :arb: وفتح له البوابه ودخل وجلس يهاوش زوجي وتعرفون كلام ××××ه نصه مو مفهوم

اعتذر زوجي وقال معليش الاولاد كانو يلعبون ونسيو الباب مقفول وجلس يهاوش ويبرطم تركه زوجي ودخل البيت وكمل نومه

من الفجر راح المغربي يصلي وكل من صادفه جلس يشتكي على زوجي انه قفل الباب
ومسك عمي وقال ولدك قفل الباب وفهموه ان الاولاد هم اللي قفلو الباب ومعليش وهذا التصرف منك مو مقبول دايم ترفع صوتك ودايم عصبي المهم عمي عجز معاه ودخل وسكر الباب وهو لازال يخاصم ويبرطم بكلام الله هو العليم فيه

في العصر زوجته اللي هي جارتي اللي ماعمري قصرت معاها في شي والله يابنات قبل ماتتصل علي بيوم زرتها ومعي هدايا لها واسولف واكل من اكلها والله ××× كنت اعزها
اتصلت وجلست تنفخ علي وتخاصم وقالت كلام طويل عريض مافهمت منه الا هاذي العبارات

00هي ..انتم تعرفون ان زوجي يجي من الدوام متاخر المفروض زوجك مايقفل الباب
قلت لها .. ترا الاولاد اللي قفلو الباب مو زوجي
هي.. وهي رافعه صوتها... مايصير اللي سويتوه البوابه مره ثانيه ماتنقفل

قلت لها.. ابشري

ترجع تخاصم .. ايش هو ذا وترفع صوتها واسمعه من وراها يخاصم معها بس والله مافهمت شي

قاطعتها قلت مع السلامه وصكرت السماعه بوجها لانها مو راضيه تسكت ولاني مو فاهمه انا وايش ذنبي تدخلني بهرجه كذا تافهه

المهم بعدها بفتره سلفتي صارت تسوي اخلاق مع المغربيه وعزايم وجمعات زي اللي يصطاد في المويه العكره

تركتهم يتهنون مع بعض

بس المشكله اللحين هي اخاف تضرني خصوصا وسلفتي تكرهني وهم اللحين اقوى تحالف في العماره
وزوجها كل ما قابل واحد هرج فينا وتكلم عن زوجي

قبل اسبوعين سويت عزيمه بمناسبه نجاح ولدي في الروضه وقررت سلفتي المصونه تسوي عزيمه ولدها اللي رابع ابتدائي مع ولدي وحضرو كل الخلق الا طبعا××× لاني ماعزمتها بس بلغت اللي تبيها تحضر حفلة ولدي تتصل فيها تعزمها والله يحييها انا مره معد لي علاقه معها

وبعد كم يوم من العزيمه سمعت ان سلفتي قالت للمغربيه انها مجامله حضرت الحفله وانها لو كانت العزيمه عندها كانت ماخلتها بدون عزيمه

بنات انا سؤالي :(

من وجه نظركم منو الغلطان وتنصحوني ابعد عنها واصير معها دبلوماسيه مثل ما انا اللحين معها

يعني ابيكم تشورون علي

وجزاكم الله خير:26:

يلزم عليك تسجيل الدخول أولًا لكتابة تعليق.

تسجيل دخول

اهل اول • 13 سنة

والله شوفي انا برأيي انك تسطحين علاقتك معها يقولك سطح علاقاتك مع الناس تسلم

و انتبهي على عيالك و على زوجك من المغربي و لا تحسسينهم (سلفتك و ا×××) ان فيك شيء بالعكس عادي بس اهم شيء سطحي العلاقه و الله خير الحافظين

نكتآر • 13 سنة

..الاميره ميرال.. :

لا يمكنك مشاهدة هذا التعليق لانتهاكه شروط الاستخدام.

عيب عليك كلنا مسلمين وش اجانب هذولا مسلمين وعرب

وكل جنس وفيه سيئات وحسنات

بطلوا عنصرية يرحم امكم

ياعسل ياعسل • 13 سنة

من وجهة نظري البسيطه جداااااااااااااا ماله داعي تفتحين بابك للحريم وحده طالعه وحده داخله عزيمه لهذي وقهوه لذيك تساعدين المغربيه وتردين على سلفتك انتي عارفه ان اشين شئ بالحياه .. الحياه الاجتماعيه

ادري فيه من يعارضني كثير لكن قسما بالله لو جربتي الهدوء والوحده بدون تعكير مزاج ولا احد يقول قالت فلانه ولااشيل هم زعل علانه ولافتنة السلفاااااااااات وحطي تحتها الف خطططططططط

ان تقولين ياحلو حياه الهدوء والانطوائيه حياه بمعنى الكلمه يكفي انك تعيشين هم نفسك وزوجك بسسسسسسس تحسين بالمعنى الحقيقي للاسترخاء
اي احد يتشره عليك قولي انا مو اجتماعيه واذا بتعزمين احد ومشتاقه تشوفين بشر خليك على صديقات الدراسه فقط ولاتخلينهم يختلطون بمعارفك وعائلتك لانهم شئ شخصي يخصك وتريحين راسك من المشاكل ووجع القلب

انهاااار • 13 سنة

زي ما يقولو الباب اللي يجيك منة الريح سدة واستريح بعدي عنهم وخلي علاقتك فيهم سطحية وداومي على اذكار الصباح والمساء تحصين لك ولزوجك واولادك الله يحفظكم ويحميكم

kokiya • 13 سنة

لا حول و لا قوة الا بالله .....اجانب مو اجانب ...كلنا مسلمون