مرحبا
حي الله السنعات :bkh:
هذه طال عمركم جارتي وحبيبتي وصديقتي وكل شي
اتعرفت عليها اول ماسكنت قبالي كانت عروسه والكلام هذا قبل سته سنوات ومازلنا جارات ولله الحمد
هي قمه في الادب و الاخلاق والناظافه و الاناقه في بيتها وفي نفسها و في زوجها و في كل شي
دايم اشم ريحة الديتول و البخور والنظافه والله العظيم لا طلعت من بيتي او رجعت لبيتي لانها ساكنه قبالي
مرات كثيررررر ادخل عندها على فجأه وبيتها في قمة النظافه و الترتيب
المهم صارلها سنه تحولت من انسانه نظيفه و مرتبه الى انسانه مهمله و كسوله
مره نسيت مفتاحي في البيت و رجعت بيتي ولا قدرت ادخل وزوجي في الدوام وقتها رحت لها ودقيت الجرس ودخلت عندها
و ياليتني مادخلت بصراحه لاني انصدمت من الي شفتتتتتتتتته والي شميته
بيتها معفوس اوساخ والارضيات وسخه والتراب و الغبار في كل مكان متراكم بكثرررره والحمامات قذرررره
والمطبخ اقسم بالله يمشي فيه الدود على المجلى وعلى برميل الزباله اكرمكم الله وفي الارض
والروايح الكريهه الي في كل مكان منتشره وبيوت العنكبوت في كل الاركان
هي انحرجت مني ماتوقعت اني اجيها فجأه بصراحه مع انه مابيني وبينها الا الميانه ودايم نطب على بعض من غير مواعيد ولا شي ونسهر سوا ونفطر سوا دااايم
جلسنا نسولف وفجأه صارت تبكي وتشتكيلي من حالها المتغير
تقول صارلها سنه كامله تقريبا وهي تحولت الى انسانه مهمله وقذره تحلف بالله ان حمامها الخاص اعزكم الله صارله اكثر من 8 شهور ماغسلته وبيتها كل 3 او 4 شهور تكمسه و تنظفه
صارت دايم تتهرب من الناس ماتبي احد يزورها حتى انا تغيرت معاي دايم تجيني ولا قلتلها بجيب تتعذر كثير لاكن ماتوقعت عشان وضعها هذا ولا عمري شكيت بشي
غرفتة النوم الدواليب شبه فاضيه كل الملابس على السرير وفي الارضي وملابس الوسخه الوسخه على الارض جنب باب الحمام تقعد شهور متراكمه مثل الجبال ولا احتاجت منهم لبس تاخذه وتغسله وتلبسه والباقي ماتغسله
والمواعين والصحون والكاسات تقول تجلس احيان اسبوع كامل ماتغسلهم الين تصير كلها عفنه و مقطنه وتفوح الروايح منها
وقدور الاكل تقول رمت كثير لا خلصو من الاكل ماتغسلها تجلس اسبوع وا اسبوعين وتحلف ان الدود يمشي فيها من الداخل وتشيلها وترميها وتروح تشتري غيرها وهكذا
صارت ما تتحمم الا كل اسبوع مره او اكثر من اسبوع بعد
كنا انا وهي دااايم كل شهر نروح صالون نسوي تنظيفات شامله للبشره وبودي كير وحمام مغربي صارت ماعاد تروح ولا تهتم بنفسها ومهذله حتى جسمها صاير كله شعر ماتهتم ولا تشيل ولا تسوي شي
تشتكي تقول مادري شفيني صرت كذا كل يوم تقول بعدل وضعي وارجع مثل قبل لاكن على غير فايده
تقول تسوي جدول للتنظيف اليومي وتعلقه على الثلاجه عشان تصحى ثاني يوم من الصباح و تنظف ولاكن مهع الاسف ماتسوي شي اببببببد
ماعندها اطفال عشان يشغلونها وتترك البيت مثلا و زوجها انسان طيب وخلوق وتقول متحمل وشايف وساكت ولا عمره قالها شي ماشاء الله عليه
والله تبكي تقول احس في داخلي ودي اقوم انظظظظظظظف بس مو قادره احس اني مربطه ولو قامت ونظفت بس المواعين تحس جيمها كله مكسررر ومرهقه وتعبانه ولا تقدر تسوي شي في البيت
احيان المواعين تقعد تغسل فيها 4 او 3 ايام تغسل شوي وتتعب
هي من يوم تزوجت كانت تتعالج بالرقيه الشرعيه لان فيها عين وحسد ولاكن كانت نظيفه وحياتها ممتازه ماشاء الله
مع العلم انها دايم مشغله البقره في بيتها باستمرار من يوم عرفتها الى الان وهي تشغل البقره في البيت ماشاءالله
وقالتلي انها خايفه حالتها هذه تكون ابتلاء من الله لان امها الله يهديها دايم تعيب زوجة خالها وتقول بيتها وسخ والدود يمشي فيه من الوساخه تقول الحين انا صرت كذا مادري هل هو ابتلاء لان امي عابتها ولا انا فيني شي او مرض نفسي او اهمال وكسل مو عارفه حالتها مسكينه
نصحتها انها تسوي جدول وتنظم وقتها وتقسم الشغل كل يوم تسوي شي عشان لا تتعب
قالت انا اعرف كيف يتنظم الوقفت واعرف النظافه واعرف كل شي لاكن مو قادره وطول الوقت بس متسدحه على الواتس او التلفزيون او النت لاكن مافيني حيل اتحرك واشتغل اتعب بسرعه
شورو علي كيف انصحها واشجعها
وايش تتوقعون حالتها هل هو فعلا ابتلاء من الله لان امها فعلا عيبت على زوجة خالها
ولا هو مرض روحي ولا مرض نفسي ولا كسل ولا وش تتوقعون
وياليت تدعون لها بظهر الغيب ان الله يردها مثل ماكانت و افضل ويرزقها الذريه الصالحه الي تفرح قلبها وقلب زوجها

مامت جووجوو @mamt_googoo
عضوة مميزة
يلزم عليك تسجيل الدخول أولًا لكتابة تعليق.


خليها تروح تكشف على الغده وتعمل تحليل فيتامين دال
واذا ماطلع فيها شي خليها ترقي نفسها ومدام علاقتك فيها قويه سوي خير وافضي لها مره وساعديها بتنظيف بيتها كله يمكن لاتنظف بيتها وتبخر تنفتح نفسها وتحافظ على بيتها
واذا ماطلع فيها شي خليها ترقي نفسها ومدام علاقتك فيها قويه سوي خير وافضي لها مره وساعديها بتنظيف بيتها كله يمكن لاتنظف بيتها وتبخر تنفتح نفسها وتحافظ على بيتها

my hart
•
الله يشفيها ويحفظها
والله قطعتي قلبي عليه وأفكر بالحاله ألي صارت له
سبحان الله بعض الناس تصير لهم حالة كسل وتعب وإهمال بس مو كذا اعوذ بالله
خليه أول شي تروح تسوي فحوصات شامله لاسمح الله يمكن معه سكر مثلآ او خمول بالغده
واذا تطمنت على فحوصاتها خوفيها او ذكريها بأن الشياطين تفرح وتسكن بالأوساخ وان الملائكه ماتدخل البيت ألي فيه الجن بسم الله علينا
وبعدين قولي له ان زوجك صابر عليك وفكري فيه وترى الرجال له حد ويمل ويطلق وحرام تخربين حياتك الزوجيه علشان كذا
وخليه تفتح رقيه بالبيت مع سورة البقره
وخليه تشرب مويه مقري فيها او منفخ فيها شيخ
تري التعب النفسي والإكتأب وكل الأمراض من الوساخه والحوسه وان ألي تبي السعاده ترتب بيتها وتنظفه
قولي لها تجيب شغاله بالساعه وخليها تقوم هي والشغاله على البيت وأول شي المطبخ هو أساس الأمراض اعوذ بالله
واذا ماتقدر على الشغاله خليها تجيب وحده من خواتها وتحلفه على القرآن انه ماتفضح سره ووساخة بيته عند أمه
ماله ألا كذا تجيب وحده تساعده لو انتي تجين عنده ساعتين او أكثر وتشتغلين معه لو تغسلين الصحون او تكنسين أو أي شي تسوينه معه
وقولي له ان بعالم حواء حريم سنعات ولو تفتح النت لو ساعه باليوم علشان تشوف تنظيفهن وترتيبهن كان تتحمس ماشاء الله عليهن
الله يعينه ويشفيه يارب
والله قطعتي قلبي عليه وأفكر بالحاله ألي صارت له
سبحان الله بعض الناس تصير لهم حالة كسل وتعب وإهمال بس مو كذا اعوذ بالله
خليه أول شي تروح تسوي فحوصات شامله لاسمح الله يمكن معه سكر مثلآ او خمول بالغده
واذا تطمنت على فحوصاتها خوفيها او ذكريها بأن الشياطين تفرح وتسكن بالأوساخ وان الملائكه ماتدخل البيت ألي فيه الجن بسم الله علينا
وبعدين قولي له ان زوجك صابر عليك وفكري فيه وترى الرجال له حد ويمل ويطلق وحرام تخربين حياتك الزوجيه علشان كذا
وخليه تفتح رقيه بالبيت مع سورة البقره
وخليه تشرب مويه مقري فيها او منفخ فيها شيخ
تري التعب النفسي والإكتأب وكل الأمراض من الوساخه والحوسه وان ألي تبي السعاده ترتب بيتها وتنظفه
قولي لها تجيب شغاله بالساعه وخليها تقوم هي والشغاله على البيت وأول شي المطبخ هو أساس الأمراض اعوذ بالله
واذا ماتقدر على الشغاله خليها تجيب وحده من خواتها وتحلفه على القرآن انه ماتفضح سره ووساخة بيته عند أمه
ماله ألا كذا تجيب وحده تساعده لو انتي تجين عنده ساعتين او أكثر وتشتغلين معه لو تغسلين الصحون او تكنسين أو أي شي تسوينه معه
وقولي له ان بعالم حواء حريم سنعات ولو تفتح النت لو ساعه باليوم علشان تشوف تنظيفهن وترتيبهن كان تتحمس ماشاء الله عليهن
الله يعينه ويشفيه يارب

جزاكم الله خير على ردودكم حبايبي
انا اتفقت معاها بكره وبعدو تنظف غرفة نومها وترتب دواليبها لانها تعتبر خصوصيات لها ماقدر اشوفها او اتدخل فيها كثير
والسبت ان شاء الله بساعدها في بيتها وبجلس معاها من الصباح واساعدها بإذن الله
وقلتلها يمكن عندها نقص فيتامين د قال هي تاخذ فيتامين دال صارلها سهرين ونص مستمره عليها وتاخذ فيتامينات
وهي لان الله ما رزقها باطفال قد سوت تحاليل شامله ومن ضمنها الغده الدرقيه وسليمه الحمدلله مافيها مشاكل
احيان اقول يمكن الوضع اليهي فيه اكتئاب لانها مسكينه متعلقه في الاطفال كثير والى الان ربي مارزقهم وتعبت من المستشفيات والعلاجات وودها بطفل يمكن هالشي اثر على نفسيتها والله اعلم سببلها اكتئاب
لاتنسوها من دعواتكم بالرزق والذريه الصالحه عاجلا غير اجل
انا اتفقت معاها بكره وبعدو تنظف غرفة نومها وترتب دواليبها لانها تعتبر خصوصيات لها ماقدر اشوفها او اتدخل فيها كثير
والسبت ان شاء الله بساعدها في بيتها وبجلس معاها من الصباح واساعدها بإذن الله
وقلتلها يمكن عندها نقص فيتامين د قال هي تاخذ فيتامين دال صارلها سهرين ونص مستمره عليها وتاخذ فيتامينات
وهي لان الله ما رزقها باطفال قد سوت تحاليل شامله ومن ضمنها الغده الدرقيه وسليمه الحمدلله مافيها مشاكل
احيان اقول يمكن الوضع اليهي فيه اكتئاب لانها مسكينه متعلقه في الاطفال كثير والى الان ربي مارزقهم وتعبت من المستشفيات والعلاجات وودها بطفل يمكن هالشي اثر على نفسيتها والله اعلم سببلها اكتئاب
لاتنسوها من دعواتكم بالرزق والذريه الصالحه عاجلا غير اجل
الصفحة الأخيرة
دقيقة واحدة : تستطيع ان.
تصلي على النبي صلى الله عليه وسلم ( 20 ) مره
فيصلي عليك الله مقابلها ( 200 ) مره
وحطة عنه ( 200 ) خطيئة من خطاياه
ورفع له ( 200 ) درجة .