جارتي تبغى رايكم في تصرف زميلاتها معها ..

السلام عليكم ،
يابنات جارتي موظفة ، وزميلاتها في العمل متعودين يسوون فطور ويجيبون هدية لأي واحدة عندها مناسبة يعني زواج ولادة عملية .. زي كذا يعني ..
طبعا يقطون كل واحدة تدفع مبلغ ، وهي من يوم تعينت عندهم وهم مستلمينها : فلانة ولدت قطي عشان نجيب لها هدية ، فلانة تزوجت ، فلانة سوت عملية ، فلانة بتنقل ووووو .. وهي ماعمرها رفضت تقول زميلاتها وتبغى توجبهم .. تمام ؟
المهم قبل فترة هي سوت عملية وغابت عن الدوام شهرين .. وبعد مارجعت بفترة حست إنه في شي قاعد يسير .. يعني تدخل وهم يتكلمون وفجأه يسكتون ، جلست فترة وذاك اليوم قالوا يالله يافلانة احنا مسوين لك فطور تفضلي ويوم دخلت لقيتهم مسوين فطور جداً بسيط .. ولاجابوا لها هدية زي ماهم متعودين ولاشي ..لا والمديرة كمان ماحضرت ذاك اليوم مع انها كانت تحضر المناسبات اللي كذا وتقدم الهدية بنفسها .. عاد جارتي تضايقت ، تقول أنا ماهمتني الهدية في حد ذاتها وانا أقدر أجيب لنفسي أغلى شي الحمد لله ربي مغنيني من فضله .. لكم اللي حز في نفسها ليه ماعاملوها مثل غيرها ؟؟ مع انها ماهي مقصرة معاهم وذوق وأخلاق ماشاء الله ومجتهدة في عملها والكل يمدحها ..
بعد كذا بفترة كانت تسولف مع واحدة منهم وكانت الغرفة فاضية مافيها إلا هم عاد زميلتها هذي زل لسانها وقالت إن المديرة هي اللي قالت لهم لاتجيبون لفلانة هدية :mad: تقول جارتي انصدمت مرة لأن المديرة قبل فترة كان عندها مناسبتين مو واحدة وقطت جارتي معاهم وجابوا لها هدية غالية ..
المهم الحين فيه حريم عندهم سار عندهم مناسبات وأكيد بيقولون لها ادفعي معنا فهيه محتارة تدفع معهم والا ترفض ؟؟
وتبغى واحدة حكيمة تشور عليها بشور يحفظ كرامتها وفي نفس الوقت مايسبب لها مشكلة معاهم .. هيه تقول ماهموني لو بغيت اقول لا ماعليه منهم لكن ماتبغى تحس انها منبوذة ، تكفون شوروا على جارتي ولكن دعوة منها ومني ..