متضايقه شوي قلت افضفضلكم يا احلى اخوات الله لا يحرمنامن هذي الاخوه ويرزقنا من حيث لا نحتسب
دئما يا اخواتي احب اقوم بواجب صديقاتي وجارتي بس وحده من جارتي كل ماروح لهابنتها الصغيره
متخليها تدخل واذا طلعت بما انها طفله صغيره تبي تتحرك تشيلها وترجعها الغرفه وتخلي اخواتها
يمسكونها او اسمعها تكلم خواتهابعيد عني بشوووويش كنها تقلهم ارجعوا الغرفه وهم على طول ياخذون اختهم
ويرجعون واذا طلعت تتغير ملامحها ومكانها قاعده على بعضها واذنها مع الباب اذا انفتح ماودها واذا شافتها
تبتسم لها ابتسامه مجامله مثل الي ماوده بشي انه صار
رحت لها اكثر من مره ونفس الحكايه مره ماطلعتها تقول ان ثيابها وسخه مع انه عندها خبر اني بجي كان بامكانها
تغيرلها
واذا جت على طول تشيلها وترجعها للغرفه واذا جتني تجي لوحدها بدونهم
انا ماقول اني بتجنن عليهم او اني ابيهم يجوني لا بس حركاتها واضحه ليه وانا انسانه
احس والحمد الله انا ماحب اطفال الناس ولا اعطيهم وجه ولى اكلمهم ولا حتى ابوسهم الا نادرا
علشان ماتعرض للاحراج لاي موقف كان وحتى ليجيهم شي قالوا فلانه
شكيت لزوجي امس احس انه مارد عليه كنت اتمنى انه يواسيني كان يشيل عني
لانك تحسين ان احد معاك يواسيك بس قال الناس يختلفون لاني قارنت بينها وبين
صديقات ثانيات اولادهم عادي كانهم اخواني مايخافون مني
وجلست انا متضايقه :44: مع اني متاكده ان الشي هذا يضايقه بس وش يقول طفش من كلام الناس
متاخره لي 4 سنوات ولله الحمد الله يعوض عليه بكل خير والسبب من زوجي الحركه عنده
بطيئه وعملت عمليتين تلقيح صناعي وماصار حمل ومره انابيب وماصار حمل الله يكتب اجري يارب
وبعد عيد الاضحى المحاوله الثانيه وباذن الله ربي يرزقني من حيث لا احتسب
اسفه اذا طولت عليكم وقصيت لكم قصة حياتي بس احيانا الوحده ودها في احد غير زوجها
تشكيله وتحكيله وتسمع منه كلمه او نصيحه ممكن تفيدها وتريحها
الله يريح قلوبكم يارب ويرزقني وياكم من حيث لا نحتسب عاجلا يارب....
أحب أسمع هذا النشيد مع ان ماله علاقه بلموضوع
<<<<<<<<<< اضغط هنا
يمكن ماتبغى بنتها تزعج وتحوس واذا كان قصدها
مثل ماقلتي فلا تخلينها أكبر همك طنشيها ولا تحاولين
تحتكين فيها كثير .. عقبال مايملون عيالك عليك البيت ..