[جارتي جتني فالمنام تقول انا اللي عنت ولدك وش السوه

السلام عليكم ورحم الله وبركاته
هذا الله يسلمكم عندي ولدي الصغير بسم الله عليه
من يوم ولد كان حجمه كبير ومتعافي وصحته حلوه
يوم كبر وصار يمشي كان لايزال وزنه حلو وكان عندي جاره قبال شقتي تماما
جابت مولودها بعدي بست شهور بس كان نحيف
طبعا بالبدايه ماكنت اختلط بها كثير ومانتقابل الا نادرا
ومره كنت ملبسه ولدي شورت قصير جدا وفنيله علاقي لبس بيت
وفتحت الباب وطلع ولدي يجري قدامها وكانت عالباب واقفه
وكن ولدي متين ومبين عليه العافيه والله يابنات مافكت عينها منه
جلست تطارده بعيونها وكأنها معجبه بعافيته
انا مااهتميت وماني من الناس اللي يدققون ويخافون من الحسد والعين
مع اني محسوده ومعيونه من رجولي لحد راسي
بس اتوكل على الله وافوض امري اليه دائماااااااااا
الشاهد ان ولدي بعد يوم او يومين طلع بعيونه صفار
وتعب ووديناه المستشفى قالوا لازم تحاليل شامله نتاكد من كل شي
طبعا قالتلي الدكتوره اهم شي نتاكد من وظايف الكبد والرئه عشان مايكون عنده فيروسات خفت وقتها لكني وكلت امري لربي
الحمد لله بعد التحاليل كلها طلع عنده اهون مرض كانت متوقعته الدكتوره الا وهو انيميا الفول
وطلعت درجته مو عاليه يعني ناقص درجتين بس
وطمنتنا الدكتوره وقالت ولدكم بعافيه بس لايقرب منتجات الفول
واذا صفرت عيونه مره ثانيه تجيبونه على طول نسعفه دم
الحمد لله جته الحاله مره واحده بعد التحالل والحين له يمكن سنتين وهو طبيعي ولا احتاج نقل دم ولا شي
طبعا كنت اتصدق عنه وادعي ربي يحفظه
المهم ان ولدي يفقد الشهيه وهذا من علامات المرض وماعاد ياكل
سبحان الله وقتها شكيت في جارتي وقلت نضراتها في ولدي ماانساها
بس كنت اطنش واقول اكيد شكوك
ومن قبل رمضان هذي السنه ولدي صار يلعب مع ولدها ويتقابلون كثير
وتخيلوا من يوم صار يروح لهم بدا يفقد الشهيه وخاصه من بعد رمضان الى الحين ماصار ياكل ونحف
رجعت ربطت بين هذا اشي وبين جارتي ولكني كمان تعوذت من الشيطان وقلت شكوك
قبل يومين تصدقت عن ولدي بنيه شفاءه من فقدان الشهيه وخاصه انه يبغى ياكل بس يجيه حاله يقول ماما برجع يعني يحس بالاستفراغ فما صار ياكل
وبعد ماتصدقت عنه لي يومين رجعت شهيته وصار ياكل اللهم لك الحمد بشكل ملحوظ
وامس حلمت بجارتي تجيني فالمنام وتقول صح انا اللي قلت لولدك انه ياكل كثير
وبكذا قت خلاص لازم اخذ من اثرها بس كيف
هل امسح على جزمهم الله يكرمكم واغسل فيها ولدي لاني مستحيل اقولها غسلي لولدي
وماتجيني الا نادر فكيف اخذ من اثرها
وجالسه افكر اقول يمكن الصدقه اللي دفعتها ردت عينها ومايحتاج اخذ من اثرها لان لدي له يومين ياكل
اش رايكم الله يحفظ لنا ولكم ذريتنا ويكفينا شر الشياطين