جارتي نفست بعملية ... كيف اساعدها ؟؟

طيب ياقلبي اذا عندكم صديقات اخريات حاولو تسوون جدول طبعا الغداء والفطور يعني كل يوم 2 من البنات وحده الفطور وقهوه النفاس والثانيه الغدا لها ولعيالها او انكم تاخذون عيالها يلعبون شوي مع اطفالكم وتودونهم لمهم هذي اتوقع من اهم المساعدات للنفاس في الغربه




طموحه 3

حاولي اختى تسوين اكل وحليب دافي ترسلينهااا لهااااااااا اهم شي للنفاس الاهمام بالاكل

حاولي تزينين اقراص المطازيز وتجمدينها اذا احاجتها تزين كشنه بس لها ..

ممكن زينين مصابيب لهاا افطار ..ممكن ترتبون بيها ومطبخها اذكانو حوووسه بعد ماتستئذنووون منهااا ..

الله يعينكم وييسر امووووووووووووركم .هذا ماحضرنى الان ..وعذرا على التقصير ..

الله يجزاك خير
فعلا الولادة القيصرية جدا متعبة (اسال مجرب)
اذا عندها اولاد ممكن تاخذينهم عندك
او تطلعينهم محل العاب- ساعتين زمان -
تقدر الام ترتاح او تاخذ قيلولة
انا اكثر شي كان يتعبني
غيرة الطفل الكبير من البيبي

يااختي ياحظ بالاجر انا نفست بعمليه هنا وبغيت اموووت اللهم لك الحمد لولا بعض البنات قاموا فيني الله يجزاهم كل خير مع انه مو طول الوقت كانوا عندي يمكن مرتين او ٣ بس النفسيه تحسنت حسيت ان فيه احد معي

الله يعينك ويكتب أجرك
اولا حاولي تسون جدول عشان ماتتعبون
كل يوم على وحدة تسوين انتي الفطور والغداء وترتبين بيتها وتمسكين اطفالها وتحممين النونو عنها
اليوم الثاني على وحدة
والثالث على وحدة
وهكذا لمدة اسبوعين على الاقل
والله من تجربة لتلقين دعوات من كل مكان
والله يوفقكم