جارتي وجسمي☹️

السلام عليكم
بنات والله م كتبت هالموضوع الا شي قاهرني انا وزني زايد واعتبر سمينه وعندي جاره مقابلتني على جسمي دايم مراقبتني وتتكلم الليله جاتني رفعت ظغطي بكلامها انا دايم احاول أخفف وزني وأخف كم كيلو ويرجع الدبل وبالموضوع مسسببلي ازمه وهالحرمه جابتلي الغثاء عندي شغاله للكوي تجي وتروح وجارتي عندها شغاله للكوي قالت لي بكم تشتغل عندك علمتها بحسن نيه قلت تكوي ب 200 الشهر وشغالتها تشتغل عندها كوي ب 250 قامت قالت لشغالتها نقصي لي زي شغالة جروح ولا م عاد ابغاك باخذ حقت جروح قامت الشغاله تدعي علي وزعلت وتقول جروح دبا بس ياكل وينام وشغالتها م اعرفها ولا عُـمـري شفتها الا اذا هي شافتني وانا خارجه شغالتها وجارتي تحكي عن شغالتها اقول سبك وتقول انكِ دبا وتعرفون اللي يتكلم عليك بس يجيبها بطريقه ثانيه واطنشها قدام جاراتي فشلتني وترجع تعيد وتكرر الكلام قامت وحده قالت جروح شكلها بتنحف بعد شغالتك ي فلأنه حطو الموضوع استهزاء فيني والله زعلتني مرررا م عرفت ارد عليهم وشكل جارتي جايبه السالفه من راسها عشان تتريق ع جسمي لان دايم هاذي سواليفها معاي نحفتي نقصتي م تاكلين هاذا تبغين تنحفين مقابلتني مقابل ع وزني فلان قال شاف جروح قال دبا فلأنه شافتك تقول م تقوقعت جارتك كذا دايم هاذي علومها معاي عشان كذا شكيت انها مالفه السالفه عشان الحريم يتتريقون علي شرايكم هالاشكال كيف ارد عليها كرهتني بنفسي