جارتي وشكها بزواج زوجها

بنات .... جارتي السابقه نقلت عماره ثانيه وجلسنا متواصلات وصارت بالنسبه لي اكثر من اخت ...بحكي لكم مشكلتها وتساعدوني لانها حيرتني ...هي كل سنه تجي بفيزه زياره وتقعد فتره الزياره وتروح لبلدها ويعامل لهازوجها زياره ثانيه وتطلع بس قبل شهور رجعت بلدها وجلس فتره اتغير عليها وسحب عليها وكلما تعاتبه قلب عليها وجرحها صار مايكلمها الا نادرا ويتعذر انه مشغول رغم انه كان زمان يعمل المستحيل عشان يلاقي وقت يكلمهاواذا ما لاقى وقت يكلمها قبل النوم ويسال عنها وعن اولادها ... لكن الان يتهرب وحصلت بينهم مشاكل وصارت تشك فيه وتقل له شكلك متزوج ومن ذا الكلام وهو يزعل ... كل مره احاول اهديها واقلها يمكن هذه شكوك. واخر مره يقل لها خلاص نبعد عن بعض ونترك بعض .... خليت زوجي يعقله ويقول له هذه المواضيع قرارتها ما تؤخذ بسهوله المهم اتصالحوا وكل مره يتعذر انه يبغى يعملها اقامه بس ماقدر في الوقت الحالي يعملها قالت له طيب جيبني زياره قال لا .... تعبت منه انا قلت لها شوفي لازم تدخلي اهلك بالموضوع ويعطوه مده معينه يحددوا مثلا شهر للمعامله قالت ايوة نفس الي فكرت فيه .ابوها قال حيتدخل بالموضوع لانهم صبروا عليه شهور كثيره ... مع العلم انها تحلم قطط وفسر لها الشيخ انه سحر لانه فعلا اتغير فجاءه بعدما كان طاير فيها .. زوجي كلمه تعال نروح عند شيخ يتهرب .... وهي تقول مش سحر ولا حاجه انا حاسه انه متزوج ...قلت لها لازم تعملي حل تعرفي مصيرك لو مايبغاكي خلاص تعرفي مصيرك بدل ما انتي كل يوم دمعتك ع خدك واحيان يرتفع الضغط ويسعفوها ....ايش رايكم اهلها مثلا يضغطوا ويقولوا له مثلا معاك شهر اذا ما دخلتها طلقها؟ومنها نعرف انه حيتمسك فيها او لا . مع العلم انها صراحه تعبت بحياتها معاه دايما مشاكل مع اهله دايما ظروفه صعبه باعت كل ذهبها له حتى الدبله والحين تحسنت ظروفه وارتفع معاشه .حتى زوجي قاله خلاص دخلهم زياره اتعذر ان الزياره مافيها تامين ... زوجي كل مره يقول له تعال نشرب قهوه يتهرب .... والله حرام ان حياتهم تتدمر قدامي وهم كانوا متعلقين ببعض جدا اتعقدت من الرجال بعد قصتها.