جارتي وصحبتها منصدمه من اسلوبهم

السلام عليكم
طبعا حصل لي موقف مدري في اي فئه اصنفه هل هو مضحك او مبكي
جاتني جارتي بريطانيه
تخذ غرض من عندي
طبعا هي دائما تشوفني بالحجاب لكن اليوم شافتني بدون حجاب وبلبسي المعتاد للبيت
قالت
وااااااااااااااو
انا هنا خفت عسى ماشر شنو فيه
قالت انتو عادي تلبسو قمصان وبجايم في البيت وكذا
قلت أي
قالت انا على بالي انو دائما لبسكم طويل وانكم ماتعرفو بالموضه والازياء وهالحركات
قلت لها لا انا مثلي مثلكم
الفرق أني ماظهر زينتي الا لزوجي والمحارم فقط
وهذا اللي امرنا فيه الاسلام
مو كل الرجال لهم الحق يطلعو على جسمي
قالت واو كلام جميل
طبعا انا دائما اقول لها المسلمين صادقيين وفيه فئه تشوه الاسلام ودائما اتكلم عن الاخلاق في الاسلام وتكريم الاسلام للمرأة ومن هذا الكلام
هالموقف عدى ونسيته

طبعا راحت
بعد يوم او يومين كانو يتكلمو عن التان وجلسات التسمير في الصالون قالت لصحباتها ومنهم وحدة خليجيه بسئل صحبتي هيا عامله تان ولونها جميل اكيد تعرف ايه الافضل ومنها نعرف وين عاملته

المهم كلمتني البريطانية وقالت شهد انا معجبة في لونج وبسئلج وين عملتيه
مافهمت قصدها قلت لها وضحي
قالت لونج التان اللي عاملته في اي مركز او صالون
قلت لها انا لوني برونزي من ربي ماخلقني مارحت لا لـ صالون ولا اي مكان
واصلا قبلها بفترة كنت ادور كريمات مبيضه ههههه
قالت :اها بعدم تصديق
راحت نقلت كلامي للخليجية صحبتها
راحت قالت لها
هالبنت كذاااااااابه عاملة تان ومخبية المكان عنك ماتبي تعملي مثلها
وكثير عندنا في الخليج ناس من هالنوعية
طبعا انا هالكلام وصلني كله من صحبتي كانت معاهم
ومن بعدها البريطانية قالبه عليا
وقالت لي كم مرا انا صادقه وانتي كذبتي علي بشي بسيط مثل هذا ودائما تقولي المسلمين صادقيين
طبعا بتقولو ليش ذكرت موقف جارتي البريطانية اول وايش الرابط بين الموقفين

انا اقول
هيا سئلتني عن لبسي في البداية وماسئلتني عن لوني +شوفو الغرب كيف مخذين فكرة انو المسلمين والمحجبات خصوصا ماعندهم ذوق وغير انيقين

راحت نقلت كلام لصديقاتي اني عامله تان وجازمة كمان اني عامله حتى بدون ماتكلف نفسها وتسئلني اذا فعلا
وسئلتني بتستفسر عن الصالون ؟؟؟؟؟؟
صحبتها الخليجية اتهمتني بالكذب حتى بدون ماتشوفني او تعرف مين انا
وهيا بكذا اعطت صورة للبريطانية ان المسلمين كذابين بقولها اكثر الخليجين كذا
يعني شوهت منظر الاسلام والمسلمين واتهمتهم (بالكذب)

لنفرض انو هالصورة صحيحه
ماكان له اي داعي تذكر هالموضوع وتعممه
خصوصا وانو مالي اي علاقه بالخليجية
وتسرعت بالحكم علي


رأيكم بالموقف