جارتي وصدمتي فيها للاسف وسخه مع مرتبه الشرف الله يساعدها

السلام عليكم. بدون مقدمات هذي جارتي الله يسلمكم دايم تشتكي لي من زوجها انه يهجرها ولايهتم لطلباتها ولاياكل معهم ابد والله اني راحمتها وداااااايم ماتجيني الا تتكلم عن النظافه وتلمح لي انها موسوسه نظافه والله اذاجت اقلق اشيك على كل شي احسها سنعه المهم كلمتني مره تطلب غرض وقالت سيري عاد انا كنت طفشانه وماصدقت قلت بجيك العصر وجيتها تقهوينا وسولفنا بس جذبوني عيالها اظافرهم طويله ووسخه وايدينهم ورجلينهم فيها سواد وشعورهم بالعربي مهم نظيفين اقول في نفسي الله يكون بعونها الهم لاعب فيها قالت زوجي دق بيجوه ضيوف المغرب واحنا جالسين بمجلس الرجال ولدي نثر الكيك قلت خلاص زيني قهوه وشاي واعطيني مكنسه بنظف المجلس عيت حلفت ماطلع لين اساعدها عطتني مكنسه ودخلت جوا نظفت المجلس لميت الكنيس شبت قهوتنا تركتها وراحت دخلت المطبخ والله بحسن نيه انصدمت المجلى مليااااان صحون ووصخ واكل ومسدود والزبايل كووم والفرن كله قدور ومناديل ومرررره وسخ الطاولات كووووم والارضيه كووووم غير الريحه والغبره من جد انصدمت طالعت فيهاا انحرررجت قلت وراك يابنت وش جاك فيك شي ليش مطبخك كيذا دخلو البزارين وطردتهم دخلو بغرفه مادري وشي بس كلها ملابس مرميه وحفايظ وقراطيس وقررررف ماتشوفين لون الموكيت ابد طلعته بسرعه وصكيت الباب المهم علشان كيذا زوجك كارهك والله الحين مالومه على كل الي يسويه فيك حرام عليك هذا موبيت زباااااله قعدت اساعدها وطووووولنا على تنظيف المطبخ والغرفه هي قالت بنظفها المهم غسلنا المطبخ قلت وين الكلوركس قالت بالحمام رحت الحمام وليتني مارحت كله ريحه بوال اعزكم الله وحفايظ مرميه بكل زاويه كثيره والزباله مليانه والحاله حاله والله عمري ماتخيلت في احد كيذا المشكله هي وزوجها دايم هواش وطلقها ورجعت ولاتغير ساكن قلت فيك مس فيك شي قالت لاوالله بس عجزت اتغير يابنات لحد يقول ليش تتلقفين هي مثل اختي واحب لها الخير وهي سمحت لي انزل مشكلتها اول شي ادعووولها ولكم حريه الرد هي راح تدخل تشوف ردودكن لانها اربع وعشرين ساعه نوم ونت الله يهديها واعطوها ارئكم نصايحكم تجاربكم حتى بتنظيف اطفالكم وادعولها ادعوووولها جزيتم خيرا اسفه على الاطاله اترك لكم الرد