ا(((يامشرفات احذفو الموضوع صار مكرر لاني كتبته هنا وبالحياة الاسريه)))
لسلام عليكم ورحمة الله
مبروك عليكم الشهر
مثل ماهو بالعنوان
بنات ابي منكم حل كيف اتفاهم مع جارتي
السالفه انو انا حالتي الماديه تعبانه بس الحمدالله ناكل ونشرب وبالمعقول يعني يادوبك مكفيه لاخر الشهر
وجارتي حالتها الماديه تعبانه حيل زوجها نفس زوجي عليه قروض وديون وناس تطق الباب تبي يردون لهم السلف
وكلنا ساكنين بيوت شعبيه بالاجار يعني كلنا بالهواء سواء بس هي عنها سبعه عيال وانا واحد
المشكله
جارتي متعبتني يابنات بكثرة عطيني عطيني عطيني والله يابنات ماتستحي حتى لو اقولها ماعندي تطلب شي غيره
يابنات انا احبها واحترمها واهي حرمه شبه كبيره يعني باخر الاربعين واستحي اقولها شي
زوجي يقول قولي ماعندي
انا اقول ماعندي بس مافيه فايده
اعطيكم مثل ......تقول عندكم مكرونه اقول لا تقول طيب رز اقول مخلص تقول ولا دقيق اقول ماشريته مانستخدمه تقول طيب صامولي او تمره او اي شي اقول لحضه واعطيها تمره ابي افتك
يعني تحرجني تلزق ولا ذا ولاذا ولاذا يعني اخر شي تقول عطيني اي شي
صرت ماعاد ازورها ابي علاقتي تخف معها وكذالك معاد ارد على الجوال بس ياناس تجلس تطق الباب ولا تياس الين افتح مره طنشت ومافتحت الباب دجلست تطق وقت طويل لين طفشت وفتحت قالت عندك كذا طيب كذا طيب كذا قلت لا قالت طيب تكفين ابي بن قهوه راسي يعورني والقهوه لها يومين مخلصه
خلاص يابنات مليت مادري كيف اتفاهم معاها طيب اهي تدري ان ضروفي ماتسمح اني اعطيها واصرف عليها من وين لي اللي يشوفها يقول جالسه اصرف من نفقة بنك الراجحي
انا اقول لزوجي مليت خلنا ندور غير هالبيت يقول الاجارات نار والحل اكرشيها او ارفعي صوتك عليها ياناس استحي الحرمه اكبر مني انا اخاف من الله انها تدعي علي لو جرحتها كمان هي محتاجه وش السواة
عطوني حل تكفون وش اسوي لها بدون ما اجرحها:06:
يلزم عليك تسجيل الدخول أولًا لكتابة تعليق.
همس آلمطر
•
طنشيهآآآ ولاتردين عليها وهي مع الوقت بتفهم ...
ياعمرري شكلها محتاجه مرره لدرجة انها تطلب تمر
شحاذين هاليومين اذا عطيناهم تمر قالوا مانبيه !
احتسبي الاجر حبيبتي النبي كان فقير ويعطي المساكين
شحاذين هاليومين اذا عطيناهم تمر قالوا مانبيه !
احتسبي الاجر حبيبتي النبي كان فقير ويعطي المساكين
الصفحة الأخيرة