جارتي وعلاقتي بها

خواتي .. السلام عليكم
انا جارتي عندها بنتين صغار اول ابتدائي ووحدة بالتمهيدي
المهم ما ادري لية كل ما ابغى اروح عندها تربطني بأهل زوجي
انا ساكنة مع اهل زوجي
واهل زوجي عندهم بنت في اول متوسط وانا علاقتي مو مرة حلوة مع البنت
لان البنت مرة مدللة ومدلعة ولسانها طويل
فما احتك فيها ابدا
المهم جارتي انا قالت لي ابجي عندك بس بشرط بناتي ينزلون عند اخت زوجك ويلعبون معها
واخت زوجي تطفش بسرعه ومتقلبة مرررة وانا ما لدي دخل بأخت زوجي

ففهمتها انو اذا تبينهم يلعبون جيبيهم واسألي اخت زوجي تاخذهم تلعبهم عندها ولا لا
لان غرفتها لها والعابها لها انا مالي علاقة فيها
فجت عندي وشافت اخت زوجي تحت عند الباب وعلى طول قالت لها خوذي بناتي لعبيهم
واخت زوجي اشرت بيدها :icon29::icon29::icon29: يعني اوريك كانها تقول ليش توهقيني
بعدين يوم جلسنا بشقتي الا تجي مع البزران وقالت لي لحالي انا مليت ما عاد ابغى العب
انا ماعندي احد اسولف له غير هالجارة

وبعدين كل ما اابغى اتصل اتذكر انها بتحرجني وماودي اتصل
عاد هالمرة قلت ابدق امس يوم مليت مرة من البيت
ويوم كلمتها
قلت خل نشوفك قالت تعالي السبت او اجي انا
قالت احنا جايين من البحر وتسولف
وشوي قالت بناتي يحبون يسبحون خل اجي عشان اخلي بناتي مع اخت ززوجك تسبحهم بالمسبح حق اهل زوجي قصدها :eek::06:


هي احسها رابطة صداقتي بمصلحة لبناتها وانا وش اسوي مابيدي حيلة تحرجني
الصراحة كرهتها لاني ما ابغى مشاكل مليت
وماادري لية ماتوفقت بصديقة من يوم ماتزوجت وانا ماني لاقية وحده اقدر اسولف معها بدون ما تدخلني بمصالحها الشخصية
وقبل فية وحده بعد تعرفت عليها واول شي رحت بيتها وبيتها زي بيتي شقة صغيرة
وعادي استانست عندها
وتسألني تقول انتي ماتطلعين ولا شي قلت لا والله ماعرف شي هنا بهالديرة ابد
ولا اعرف احد
قالت معقول :eek: قلت لها وين اروح هنا اصلا مب زي الرياض تستانسين هنا مافي مكان اطلع له

ويوم عزمتها عندي
راحت ام زوجي قالت خليهم تحت عندي بالبيت
وام زوجي وانا نازلة المغرب ولا بسة انتظرهم راحت اثرها مسوية عشاء من الى
والبنت يوم اروح لها كان عندهم ناس بس على قدهم ماتكلفت ابد
وانا ناوية اسوي مثلها يعني عشاء خفيف
والله يهديها سوت من الى طاولة
وسوت جلسة بالحديقة :eek: ياحبها للمظاهر خالتي جننتني بالمظاهر تحب الشكليات مرة وبس تبي الناس يقولون عنها وااااااااااااو :06:
المهم يوم دخلت الحرمة وشافت الحديقة والبيت قلت لها هذا بيت اهل زوجي
قالت البنت اية بعذرك ماتطلعين وانتي عندك كل هذا
ولا قالت ماشاء الله
ويوم شافت العشاء قلت هذي خالتي سوتة
تغير وجهها مدري لية يمكن عشان ام زوجها كبيرة وماتسوي شي لها ؟؟:D
المهم انها مرة احسها قلب وجهها علي والله العظيم ماسويت لها شي
وطلعت من عندي ولا رجعت اتصلت علي الى يومكم هذا لها عني 5 شهور
مع اني ماسويت شي احترمتها ولا رديت عليها ؟
ما ادري لية صداقاتي مو مثل اول ماعاد اقدر اتوفق بالناس
ولا الناس تغيرت
وش رايكم انا غلطانة ولا ايش