جارتي وعيالها

الأسرة والمجتمع

مراحب ياحوائيات انا بكتب لكم سالفتي مع الجيران انا ساكنه بشقه وبقبالي جيران قمه في الازعاج يعني اصواتهم هواشهم صوت التلفزيون كله عتدي وربي صوت جارتي عندي لانها تصارخ بأعلى صوتها وانا انحرج من زوجي دايم يقول وش هالحرمه ماتستحي وانا اتعذر لها اقول حرام عيالها مطفشينها والله يعينها وارقع طبعاهيا تجيني وتطب فجأه ماتتصل فجأه يعني مايمدي اعتذر منها الا هي ناطه عند الباب عادي مافي شي بس اوقات اكون مشغووووله وزوجي عندي وزوجي من النوع اللي وش عندها جايه مافي استأذان وزوجي يتضايق من جياتها ويا بنات لاجتني لازم تتطفل بكل شي تتدخل ليش ماتغيرين هذا ليش ماتحطين هذا لقافه و الرجال مو زين دايم قاعد عندك دايم بالبيت يجلس عله على القلب والله كن زوجي جالس عندها ........ المصيبه الكبرى عيالها كل شوي يدقون الباب مو اي دق يكسرون الباب تكسيييير لين ماافتح نبي نلعب عندكم قالوا لكم ملاهي وامي تقول روحوا العبوا عند جارتنا تخيلوا برمضان العصريه وانا طفشانه وقرفانه بالمطبخ يطقون الباب والله افتح لهم علشان مايزعجوا زوجي وهو نايم انا موفاضيه ولدي صغير مو بعمرهم وبيتي صغير ياربي اصرفهم مافي امل يتزحزحوا ياربي وش هالحرمه ماعندها ذوق انا ولدي مستحيل يروح عندهم غير وانا معه ونادرااا لأن صراحه مابيه يحتك فيهم ...والله مرا جوا عندي واختفوا تخيلوا لقيتهم بغرفة النوم وهاوشتهم من قلب وانا بالعاده اقفل غرفة نومي بس هالمره نسيت تخيلوا انا حامل وتعبانه وترسلهم يلعبوا عندي واذا مافتحت الباب تكسير اللين ما افتح مافي مشاكل لو يدقوا اربع ساعات مو اي طق الله لايوريكم لمى نجيمن برا نتسحب لين ماندخل شقتنا لانهم بسرعه يفتحوا شقتهم ويدخلون معنا اه بس مرا زوجي دخل الا هم داخلين وراه قلت ليش جايبهم قال مايمدي اقفل الباب الا هم داخلين مامداني اقفل الباب استحيت اطردهم ورحمتهم اطفال والعتب على امهم صرت اصرفهم اعطيهم حلاو او شيبس اوعصير اقول روحوا واحيان اصرفهماعطيهم فلوس علشان يطلعون من عندي عالبقاله ....كرهت البيت ومافي امل حاليا اغيره والام اوقات تقول تصدقي مدري ان عيالي عندك تاركتهم بالساعات ولاتدري وينهم بس مبين انها كذابه ولدها يقول امي قالت لنا الان لي اسبوعين مطنشتهم ولا افتح لو يموتون تعبت والله من الازعاج ابي انااااااااام يجون الظهر ولمى يجي زوجيمن العمل اول مايدخل يطقون اي وقت لمى طنشتهم ياحرام استلموا جارتي اللي فوق هيا معلمه وتجي تعبانه تقول ماخلوني انا مرابطين اصرفهم مافي امل تقول انا عندي بنات واخاف وهذولي اولاد وزوجها بعد متضايق الان جارتنا ام الاولاد مقهور مني تقولوش عندها ماتدخل عيالي ماعندها شغل وانا مو كلفه فيهم ولا انا ملاهي جاملت بما فيه الكفايه انتم لو مكاني شتسوون لان لمحت لامهم كذا مرا هيا فاهمه بس تستهبل ادعوا لي انقل من هالبيت ............
54
10K

يلزم عليك تسجيل الدخول أولًا لكتابة تعليق.

تسجيل دخول

بوتيك مودرن
بوتيك مودرن
الله يعينك



اللهم اني اسالك بأن لك الحمد لا اله الا انت وحدك لا شريك لك المنان
يا بديع السماوات والارض ياذا الجلال والاكرام
اللهم اني اسالك بانك انت الله الذي لا اله الا انت الاحد الصمد الذي لم يلد ولم يولد ولم يكن له كفوا احد
توكلت على الحي الذي لا يموت الحمد لله الذي لم يتخذ ولدا ولم يكن له شريك في الملك ولم يكن له ولي من الذل وكبره تكبيرا
(دعاء ابراهيم عليه السلام):حسبنا الله ونعم الوكيل
رب لا تكلني الى احد ولا تحوجني الى احد واغنني عن كل احد يامن اليه المستند وعليه المعتمد وهو الواحد الفرد الصمد لا شريك له ولا ولد خذ بيدي من الضلال الى الرشد ونجني من كل ضيق ونكد
اللهم امين
رنوووش
رنوووش
سبحان الله كانك تحكين عن جارتي لاواللي عندي شايفه نفسها لانهم اصحاب العماره وبنتي تحب تروح تلعب عندهم واي لعبه جديده يخلونها تجيبها ويكسرونها لها ويضربونها ويطردونها وتجلس تبكي تبغى تلعب معاهم وزوجي مافيه امل ننقل من الشقه
a7bny,
a7bny,
اذا مضايقينك جيرانك حاولي تقطعين العلاقة معاهم
ريـــما 2010
ريـــما 2010
استمري بالتطنيش وبيتعبون

ولا إختصري المسافه وعطيها بوجهه امهم انك ماتبينهم يطبون بيتك لإن اللي مايستحي لآتستحين منه وبس
رسالة نصية
رسالة نصية
صارحيها
بادب