جارتي وموت طفلها

مشكله حارتي ومثل اختي اعرضها من قهري عليها ياحياتي هي متأخره بالحمل عمرها٣٦وعندها بنت بأولى ابتدائي سسوت حقن مجهري بعد ٦محاولات وتتم ربي لها وحملت لمن وصلت للشهر التاسع توفى جنينها بأول يومين من التاسع توقف النبض فجأه بدون اسباب وولدوها ورجعت بيتها وجوها الناس وكذا بجلسه حريم من اهلها اقنعوها قالولها مدام انتي بصدرك حليب اختك توها والده عمر ولدها شهرين لي ماترضعينه يسير مثل ولدك وماتدرين يمكن مايتم لك حمل غير ذا ودخلوا الفكره براسها عاد اتصلت تستشيرني قلت كفكره حلوه بس اختك توافق قالت ايش بيضرها لو رضعته يسير اخو بنتي والله لادلعه واحبه ولو اختي راحت مكان لامسكه وكذا قامت تحلم قلت بس حطي ببالك انها ممكن ترفض عاد ولدها وهي باين من كلامها انها اقتنعت بالفكره عااد انا رحت ازورها وانا عندها قالت اختي بتجي وافتح معها السالفه قلت بلاش دام انا فيه انتم اخوات خليه بينكم كأن قلبي قارصني الا جات اختها مع العلم ان اختها ماشاء الله عندها ٦مابين اولاد وبنات الا تقول لاختها وعينكم ماتشوف الا النور قالت كلام جرحتها وقهرتني الصدق طيب ماتبينها ترضعه جت العافيه بس ليش الجرح انا شفتها ماغلطت عليها بس قالتلها ايش رايك ارضع حمودي ويسير ولدي واخوالبنتي ويكشف على بنتي قامت هذيك لفت ولدها وحضنته قالت يمه من عينك على ولدي لالا لاترضعيه ولاشي ربي يحرمك وتبين ولدي بسم الله عليه شكلي معد بجيبه عاد انا تدخلت الطف الجو قلت يابنت الحلال الخاله والد من غير هي امه حتى بدون ماترضعه قالت لا امه ولاغيره تعبت فيه وولدته قصيري لاترضعه ولاتجيً جنبه تبي عيال تروح تزرع من ذا البريضات اللي جمدوها لها ماتدرين هي لهم والا لغيرهم وتجيب لها عيال
جارتي على طول قالت براحتك براحتك بس ترانا نسولف يعني باين انكسرت قالت اختها عاد من زين عرقك زوجك الخايس يسير ابو ولدي وشالت ولدها وقامت انا انذهلت الصراحه ليش كذا ولاحضت بجارتي نظره كسره على نظره ذله على حزن على شي ما اقدر اوصفه ولابحياتي اقدر اوصفه وجيت وضميتها وهي تقولي حصل خير ولدها بعد ولدها وتمسح دموعها وتبرر تقرل مافي بالي اصلا بس بنات عمي اللي دخلوا الفكره براسي وانا ابكي وقتها جاء زوجي وطلعت ومن وقتها وانا الموقف ببالي وامرضني جد امرضني واحس مريضه بسبب قوه الموقف اللي شفته مو عشان مارضيت ترضعه بس ليش الكلام الجارح اللي يوجع القلب💔💔