هذا ياصقيقاتي
جار اهلي مهوب جاري
دايم يبصبص على بيت اهلي من الحوش وهورايح جاي
وبيت اهلي بين بيته وبين المسجد
ودايم اذا جونا اضيوف اوي اي احد يدخل ولا يطلع
يبدى يطق لتس مشيت ام حبة ونص ويبتريم راسوه من ناحية بابنا
همن يبدى ايتمقل
المهم انا اندبلت تسبدي
وانفقعت مرارتي
واحتمت اتسلاي
اخواني يبونه بس يبونه متلبس عشان ماينكر
المهم
من قرادة حظه وسوء نيته
ماطاح بوه الى انا احم احم
ذاك اليوم راجعتن انا وامي من المستوصف
وحقين رش المبيد مصريين يحتروننا عند باب اهلي يبون احسابهم
وحنا راجعين مع السواق
الى هذا هو ايتبختر
تقولين باب ابوه
واقفن عند ابوه
يوم شاف سيارتنا مقبله
الى ويجيتس يركض يمشي ويتبختر
المهم ومير تبدى تغلي اسلاك راسي
وتقل جان الي ابي
متلبس
يعني مايحتاج
المهم
ومير التفت عليه
قلت ماشاء الله مشغلينك مباحث بالشارع
ولا بس على بابنا
قال وهو يتميلح ويتبسم مابعد استوعب اني اتطنز
وش تقولين>>وهو طاقن ابتسامتن كله ملح هههههه يبي يسوي ذرب
قلت وانا ازئر اكا الزئره الجوهنميه
اقول مشغلينك ماباحث اهنا
ورى ماتعقل وتخلي شغل المراهقين يالمراهق
قال اقول احترمي نفستس
قلت محترمته من قبل ماشوف خشك
قال اصلا انا ما ارد على حريم
قلت لا تسان بك خير رد
وهالمره الي اقبالك اشرف منك انت ياشبيه الرجل ماراحت اطلطل ببيوت الجيران وتكشف عوراتهم وتتبع اخبارهم
قال اقول ادخلي
قلت ترى عند خشمك
والله ما اقول لخواني ان يمردحونك ابهالسكه تقل بربري
ومير يبدى ينتفض وينهبل قال اقول اسكتي اسكتي
قلت تعوده مرتن ثانيه تسانك بايعن روحك

المصري الي عند الباب طارة اعيونوه
قال يامادام معليش
بس انتبهي لاتصير مزبحه
قلت بلامزبحه بلاهم
هذا ارخمتن مايقدر يذبح دجاجه
ماعليك امنوه
خذ احسابك ورح عن وجهي ترى ماكملت حرتي ولا بردت تسبدي بوه لا اكمله بك جاين تنصحن


المهم من باب ضربن وبكى وسبقني واشتكى
قلت لازم اعلم اخواني
ومير اعلمهم
قالو وراتس وشلوه تسان خليتينا عليه
قلت وش اسنع بكم تبونوه امتلبس واحظي اني انا اللي صدتوه ههههه مدري سوء حظوه
المهم
جارنا كلم اخوي من الخوف خاف اني قلت لخواني
وقال هي فاهمتن غلط وتري مانيب زعلن عليه>>>>لا ياشيخ تكفى بس لاتزعل
وعطاو اخوي كلمتين بالصميم فجرت مابوه من حاسيه>هذا اذا كانوه يحس اصلا



هذا قصتي مع جار اهلي المصون جعلوه ينقل ويذلف الوادرين
ايه صح
من عقبه كل ماوقفت عند باب اهلي وشافن
هج
وطوط
واتحاش
تقولين شايفن سعلو
ههههههههه

ماشالله عليك يامكسرات..
جدعة وبنت رجالة
مايجيبها الا حريمها
هههههههههه
تهبلين ويهبل اسلوبك اسعدني مرورك

هههههههههههههههههههه ماشاء الله عليك يامكسررات انا اشهدانكـ قوويه ماايجيبها الا حريمها خخخخخخ

يسلموو صاحبة الموضوع على الطرح الجميل ’’

وانا دائمن اسمع بهذا المثل جارك لو ماشاف وجهكـ شااف قفااك ’’

بس انا ماعندي جيراان عندي اخووان زوجي واحسهم شبعوو من كثر ماايشوفوني بالغلط الله يصلح الجميع ’’

وهذا الله يسلمكم مرة كنت في مدخل العمارة استنا الباص يجي ياخذني الكلية وكانت ايام امتحانات
وتاخر الباص فاظطريت اجلس واذاكر لين يجي..فكانت الساعة ٧ وربع والعمارة مافيها احد فااخذت راحتي بالمذاكرة اقرا واسمع
مادريت الا بنعول اللي اشوفها قبالي وارفع عيوني الا يطلع الاخ اللي سبق ذكرة جارنا اللي مايستحي واقف علا راسي وانا اذاكر ..شكلة بيسمع لي بيسوي علي مدرس بعد<<<علافكرة هو مدرس اصلا واستغربت رجعته للبيت ذاك اليوم
الله لايعيد اشكالة
ياقهرني قهر استغفر الله ماانساه

جيراننا اللي مقابلينا من يوم ساكنا من 17 سنة وهما بيسترقون السمع وتتبع أخبارنا باي طريقة
ويقلدوننا في كل شئ حتي في أكرمك الله في طريقة وضع القمامة اقسم بالله ما اكدب عليكم
لو أحكي للصبح مش راح تصدقوووووون ..نعاني منهم كتير يارررررب دبر لنا أمرنا معهم