جار السوء

بسم الله الرحمن الرحيم
السلام عليكم ورحمة الله وبركاته

مشكلتي وباختصارأنه يسكن بجانبنا جار مزعج للغايه وحتى كلمة مزعج قليلة عليه وله من الاولاد ماشاء الله يبلغ عددهم 23مابين بنت وولد وكبير وصغير ومشكله هذا الجار أن أولاده منذ ان سكنا منزلنا يقومون يإيذانا حتي عندما يخرجون اخوتي الى الشارع يقومون بإيذائهم
لماذا لاادري والمضحك أنهم يقفون أمام اخوتي عندما يريدون ان يذهبوا الى اي مكان ويقولون
لاخوتي:ليش تتعدى من هذا الشارع هذا الشارع شارعنا انت ماتعرف ان ابوي شيخ .

واخوتي يقومون بتطنيشهم ولكن لافائدة انهم يريدون ان يفتعلو المشاكل وبس هذي شغلتهم مع كل من تتعدى من الشارع الذي امام بيتهم بل ويتشاجرون مع اخوتي بلا سبب.
مثلاً:في ذلك اليوم اراد اخي ان يذهب الى مزرعتنا وتعدى من شارعهم كما يزعمون الاوولدهم
يعترض اخي ويرمي على سيارتنا الحجر وغضب اخي ونزل اليه وقال:ليش ترمي الحجر على السياره ويقول له ولد جيراننا:انا ما قلت لك ياويلك تتعدى من شارعنا ويرد عليه أخي :وليش هو الشارع شارع ابوك ويقول الولد:نعم الشارع شارع أبوي الشيخ....... لانه شيخ قبيلتهم>ومفتخرين من شين الفعايل:30:
وعصب اخوي ويبي يتضارب مع الولد الا الولد يصفر ويتجمون عنده اخوانه وعيال خواته الا ويضربون اخوي ويعضونه وهو يجي عند امي ويقول لها:يمه شوفي عيال جيرانا ويش سوي فيني انا لازم آخذ حقي وأمي تقول له: ياوليدي مالك ومالهم وبعدين هذولا جيران مهما كان
والمهم نسينا السالفه وبعد فتره كنا نبني الدور الثالث من بيتنا اللي كسروا شبابيكه ولعلمكم أغلب الشبابيك اللي في ناحية بيتهم مكسره ليش مادري يمسكون الحجار ويرمونها على الشبابيك وأبوي ساكت لهم ليش يقول:هذولا جيرانا مهما كان>نشوف مهما كان هذي تودينا فين. ارجع للسالفه كنا نبني الدور الثالث وكانوا العمال يجون الصباح والعصر وفي ذلك اليوم المشؤم جاء ابي واخوتي وعمي من المزرعه الا ويشوفون جارنا قاعد عند الباب جاء ابوي ليه وقاله كيف حالك ياجار قاله جارنا:أقولك يافلان إن مابطلت أنت وعيالك وأخوك لاشتكي عند الهيئة أو الشرطة > دايم يبي يشتكي من زود الحضارة يارب لاتبلانا .:(

قاله أبوي خير ان شاء الله ويش صاااار قال جارنا:والله شفت اليوم ولدك اليوم العصر قاعد يصور بناتي من الدور الثالث
قاله ابوي : ويش ذا العلم يـ.......... ولدي اليوم معي في المزرعة وبعدين مامعه كاميرا أوجوال علشان يصورهن وبعدين انت متاكد انه ولدي وشفته شوف العين
قاله : لا العيال الصغار يقولون انهم شافوا فلاش كاميرا وبعدين انت تكذب علي
قاله ابوي:عااااااااد الزم حدك. قال أخوي : حرام عليك أنا طول اليوم مع أبوي في المزرعة ماصورت بناتك وبعدين أنا مامعاي كاميرا علشان اصورهم والكاميرا انسرقت من السياره العام اللي طاف وتدخل عمي في الكلام: الولد مامعه كاميرا حرام عليك
قاله جارنا: أقولك ليكون انت اللي بتصورمعه هات الفيلم احسن لك.قال عمي:لاحول ولاقوة الابالله أنا الحمد لله متزوج ولااعرف السواليف هذي وبعدين ماقول الاحسبي الله ونعم الوكيل فيل وروح الله لايوفقك وين مارحت والمهم صارت هوشه بينهم وبين جارنا وقالهم جارنا احنا ونوريكم قاله أبوي: رح وسوي مابد لك وروح الله لايوفقك
وقالهم جارنا يالله توكلو>طرده امحق من جار سو
ولكن احترنا ماذا نعمل مع جار السوء هذا مع العلم ان سمتهم زي الزفت في المحاكم والشرطه .
واحنا قلنا نصبر عليه ونشوف ويش اخرتها لكن توصل للتصوير مانرضى
وابي حل للمشكله وجزاكم الله خير
ويلا عااااااااد طولت عليكم