السلام عليكم ورحمة الله وبركاته
يااااااااااااااه من زمان عن عالم حواء وبالذات قسم الطبخ بس عاد رجعت لكم بحنيني يخليكم تقولون باي باي يا حنيني الصالحيه <<<لا يسمعونك يرفعون عليك قضيه هههه
بدون كثرة حكي نبدأ بسم الله :
اولا للمقادير نحتاج :
1/2و1 ك دقيق اسمر (بر)
2 ك تمر بدون النوى ومقطع صغير
ملعقه صغيره خميره فوريه
ملعقة اكل سكر
3 ملاعق اكل حليب بودره
ملعقه شاي هيل مطحون
ملعقة صغيره قرفه مطحونه
1 ك ونصف الكاس ماء دافئ
تعجن العجينه وتصير عندنا عجينه اثقل من عجينة البان كيك او اخف من عجينة اللقيمات بشوي مثل كذا
وبعدين نجيب قدر ويفضل قدر ما يلصق فيه الاكل مثل التيفال حتى يصير شغلك سهل ونحط فيه تقريبا ملعقتين اكل زبده او سمن بري (الذ بكثير بالسمن البري لكن حسب المتوفر)
ونفردها على قاعده القدر ونتركها ثواني حتى تنشف من تحت وتتحمرمثل كذا
وبعدين كذا
ونبدا بالتقليب والتحريك وبنفس الوقت حاولي تقطعينه بالملعقه لحتى تتفتت وتتحمص الخبزه زين مازين وما تكون عجينه يعني تستوي مظبوط <<تابعوا الصور
.....................
..........
...
عاد نكون مجهزين التمر بدون النوى ونصف علبة قشطه >>>>هنا السر حتى تصير لذييذه مثل حنيني الصالحيه
ونضيف التمر والقشطه ونقلب ونحررررك لحتى تختفي القشطه
وقدميها ساخنه مع القهوة العربيه طبعا
وبالعافيه على قلوبكم
.................
............
...
لا احلل النقل بدون ذكر المصدر