بما ان لي فتره طويله عن هالقسم الجميل قلت بعوضكم في موضوعين واحد في قسم الحلويات
والثاني هنا اتمنى تعجبكم اطباقي
تعرفون السليق اكيد
طبعا في هالبرد يازينه خفيف ويدفي وسهل
اول شيء اليكم الصوره...
السليق جدا سهل بس يبي له صبر ياحلوات
المقادير :
بصل مقطع صغير
دجاجه مقطعه
زيت زيتون
حليب عادي
ارز مصري مغسول كويس ومنقوع في ماء حار
الطريقه :
تكشني بصل مع زيت الزيتون وقطع الدجاج
بعدها تصبين ماء مغلي فوقهم لما يستوي الدجاج
بعد مايستوي تطلعينه وتخلينه على جنب
بعدها تصفين الماء او بدون تصفينه براحتك اناصفيته عشان عيالي مايبون البصل
بعدها تضيفين الارز وزيادة ماء مغلي لما يقرب للاستواء تضيفين الحليب وتقصري على النار وتكوني منتبهه اذا اختفى الحليب ارجعي اضيفي الى ان يصل للقوام اللي تبينه خليه مقصر
واشتغلي على الدجاجه تبليها بملح ليمون كمون وشوي معجون طماط وقليل زيت زيتون وحمريها في الفرن او على عيون الغاز من فوق
وبعد مايستوي قدميه مع سلطه خيار بقدونس وطماط وعصيرليمونه ممكن تخلطي السلطه في خلاط الكأس يعني تكون سايله او تقطعينها براحتك
مره روعه ولذيذ وممتاز ومفيد للاطفال
اتمنى تجربووووونه 😄😍