السلام عليكم ورحمة الله وبركاته
مرحبا خواتي
جايه اليوم ومعاي الطريقه لعمل المقشوش واللي مايعرف المقشوش ....هذي نوع من المعجنات الشعبيه اللي اشتهرو فيها اهل حاااايل خاااااصه وطعمه لذيذ وينفع فطور ....ومع شاي ومع قهوه وعشاء برضووووه يعني بأي وقت لذيييييذ......وهو مقارب من طعم الرغييييف (المراصيع)
وهذي صوره له قبل عشان تااخذون فكره عنه
والحين نبدأ
المقادير
-2كوب طحين واحد ابيض وواحد بر واللي ماتحب البر تسويه ابيض كله والعكس
-ملعقه اكل خميره فوريه
-ملعقه اكل b.b
-فنجان سكر
-ذرة ملح
-بيضه
- لبن للعجن او حليب او ماء لكن بالنسبه لي اللبن هو الافضل
تعجن المقادير مع بعض بحيث يكون قوام العجينه اغلض من اللقيمات بشوي بحيث تقدري تلقميها بأطراف الاصابع
وهذي صوره لقوامها
بعد كذا خليها تخمر من 3 الى 4 ساعات
انا خمرتها 5 ساعات
بعد ماتضاعف حجمها صارت جاهزه للتشكيل
لكن قبل البدأ
لازم تكونين مجهزه صينيتين تيفال صغيره وتلبسي بيدك اليسار بيز القفاز مثل الصوره عشان تكونين جااااهزه للشغل بشطاره:22:((اذكرو الله ))>>>>>>>>>>
يمكن تقولون وش معنا القفاز يعني مو ضروري!!!
اقولك :لانك بتصيرين شغاله على النار وبيصير كل شيء بالفرن حار
بتشغلي الفرن من فوق وبتشغلي العين الفوقيه
والحين حطي الصينيه على نار هااااديه وابدأي تنقيط العجين وافضل حجم يكون بحجم الكرزه او اصغر شوي لانها راح تنتفش مع النار وبيصير مقاسها مضبوط
ومجرد مايبدأ ينشف العجين وتبدأ الفقاعات بالظهور مثل كذا
على طول دخليها الفرن ((يكون مشغلل والرف مرفوع اعلى من الوسط على نار متوسطه ))عشان ماتحترق عليك لانها معرضه للحرق بسرعععه
مجرد ماتدخلينها بالفرن ضعي الصينيه الاخرى على العين العلويه واعيدي التنقيط مجرد انتهائك من التنقيط تكون الصينيه اللي بالفرن تحمرت
وعلى طول فرغيها بالحافظه عشان تحفظ طراوتها:p
وهكذا حتى تنتهي العجينه
بعد كذا انتي حره تبين تطعمينها بعسل وزبده
او زبده وسكر مطحوووووووووون وهذي اللذ بصراحه
او تخلينها ساده
وعشان تتبلغ بالزبده والسكر حطيها في زبديه او قدر له غطاء وصبي عليها الزبده المسيحه ورشي عليها كثير من السكر وابدي قلبيها زييييييين مازين على قولت اخواننا الكويتيين
وبالاخير رشيها سكر للوجه........>>>>ادمان السكر والزبده
******************
عاد تروني تعبت مررررررررررررررره بتنزيل الموضوع لحد يبخل بالدعوه
واللي يبي ينقل ينقل بس لحد ينسبه لنفسه زووووووووووور لان هالشيء يقهر
اتمنى موضوووعي يعجبكم وتجربونها
ولاتخافون من طول الموضوع انا بس حبيت اشرح بدقه عشان الناس اللي ماعمرهم جربوها واللا هي سهله للي يتعود عليها ماهي ذيك الصعوبه:o