جاكيتات طويلة .. للأنيقات :)

حبيبتي تبغينها للصيف والا للشتاء؟؟
اذا للصيف لقيت تشكيله حلوة في محلات الحريبي والعيسائي في النجار والجمجوم
واذا للشتاء أكيييييد موجود في زاراومانجو
ان شاءالله تلاقين .......
وآآآآآآآآآآآمين على كل الدعوات اللي بتوقيعك ..ربنا يتقبل انه مجيب الدعوات وقاضي الحاجات.
وشدي حيلك أبغى دعوه حلوة منك(ربنا يسهل لي جميع أموري في خير وعافيه)

يا أخيتي بالنسبة للجاكتات الشتوية بصراحة انا شوفت عند مانجو اللى في التحلية جاكتات قمة في الروعة ولكنها غالية في نوع على ثلاثمائة وااااا......واختي أشترت منه وهو قطعتين على بعضها تستفيدين منه في الصيف وفي الشتاء ويوجد موديل آخرعلى ستمائة وااااااا.....
أتمنى أن أكون قد افدتك وتدعي لنا :27:

السلام عليكم و رحمة الله و بركاته ..

أختي وردي ..

أنا أبغاها للفترة هادي و إن شاء الله شهرين قدام ..
يعني شتوي - ربيعي ..
و لو إنتي في جدة أكيد شايفة كيف الجو .. ساير متقلب
و بارد .. و برد جدة يدخل في العظام على قولتهم :(
و إحنا ماحنا وجيه برد :23: كل ما طلعنا محل رجعنا
مرضانين و مسخنين و كح كح و هاتشوو هاتشوو :23:
و لازم تدور الإنفلونزا على كل البيت الكبار و الصغار :(

و رحت زارا و لقيت عندهم جاكيت واحد بس طويل ..
و ماهو مرة طويل .. يجي لنص الفخد تقريبا أو أقصر ..
لونه أسود زي القطيفة .. ومافي منه غير S و M بس !!
و باقي المحلات ما لقيت فيها شي ..
يبغالي أروح الجمجوم و النجار .. و أشوف ..
على الله ألاقي شي كويس :(

و تسلمي يا قمر على مرورك و مشاركتك :26:
و آميييييين يااااااارب العاااالميييييييييين ..
و يارب يسهل لك أمورك كلها إن شاء الله
و إنتي في خير و صحة و عافية :)
و أنا كمان معاكي :)

تحياتي ..
جــــــــداويــــــــــــة

السلام عليكم و رحمة الله و بركاته ..

أختي شجن عمري ..
أنا نزلت التحلية في الويك إند و لفلفت فيها ..
مالقيت شي غير الزحمة و الصداع :(
>> ما كأنه الناس عندهم إختبارات :09: !!
بس متى إنتي روحتي ؟؟
قريب ولا قبل فترة ؟؟
يمكن البضايع الحلوة كلها خلصت عشان التخفيضات :(

و السعر مو مشكلة .. أهم شي يكون طويل
و مستر و يدفي :(
لأنها حاجات بتستهلك و تمنها فيها ..
حتى لو أشتري جاكيت واحد يكفي و يدفي :)
و بعد ما يخلص البرد يا أوزعه أو أرفعه ألين
يجينا البرد تاني إن شاء الله :)

و ربنا يسعدك و ينولك إللي في بالك :)
أكيد أفدتيني :)
يكفي إنك دخلتي و رديتي عليا :26:

تحياتي ..
جــــــــداويــــــــــــة

السلام عليكم و رحمة الله و بركاته ..

كــــــل عـــــــام و أنــتــــم بـــخــــيــــــر :26:

يا رب أجعل نهاية هذا العام نهاية للآلام و الأحزان ..
و رضى و مغـفـرة من اللطيف المنان ..
و سبيلا إلى أعالي الجنان ..
برحمتـك يا قـديــم الإحسان ..
و صلي و سلم و بـــارك على نـبـيـنـا خـيـر الأنــام ..
و بارك لنا عامنا القادم نحن و أحبتنا في خير و أمان ..
و كل عام و أنتم في رعاية الرحمن ..

إلهي لي أحبة بين الضلوع و في حنايا القلب مأواهم ..
هــم أهـــل ودي تسعـــد الــروح بذكــراهم ..
هم معـدن الخير في الناس طابت سجاياهم ..
فيا ربي أحـفـظـهـم و أكــرمهـم و زدهم في مـزاياهم ..
و بلغـهــم العـام الجـديـد مغـفــورا خـطـاياهم ..

كــــــل عـــــــام و أنــتــــم بـــخــــيــــــر :26:

تحياتي ..
جــــــــداويــــــــــــة