الجانب الايمن من الجاكت ومثله الجانب الايسر

اول حاجة نرسم الباترون بالمقاس المناسب على ورقة



ونبدأ عمل كل جزء طبعا لوحده

وهو مش حيختلف عن الظهر فى اى شيء الا فى عدد غرز سلاسل البداية
وطبعا ان احنا حنحرد الكم من جهة واحدة فى كل مرة والناحية التانية نكمل السطر عادى
عدد سلاسل البداية
21 (24, 27, 30 )
( عمود سلسلة عمود ) فى سادس سلسلة من جهة الابرة , نترك 2 سلسلة *( عمود سلسلة عمود )فى السلسلة التالية نترك 2 سلسلة * نكرر مابين النجمتين حتى اخر السطر وعندما تصلى لاخر سلسلة نشتغل فيها عمود
ونكرر الاسطر كالسطر التالى
السطر الثانى

3 سلسلة كأنها اولعمود
غرزة الفى وسط كل غرزة من غرز الفى فى السطر السابق اى فى السلسلة الفراغ اللى بين اللعمودين الى اخر السطر
نشتغل عمود فى تالت سلسلة من سلاسل بدايه السطر السابق
نكررالاسطر
الى ان نصل لمكان حردة الكم تتبعى الطريقة اللى عملتيهافى الظهر سواء قطعتى الخيط او اشتغلتى منزلقة وبنفس العدد بس عند نهاية السطر كمليه للاخر بدون حردة تانية طبعا ونكمل الاسطر الى ان نرتفع لمكان الكتف
وعندما نحرد الكم سوف يكون عددغرز الفى عندنا 8 (9, 9, 10) من بعد الحردة ولغاية اخر سطر

الكم

ايضا نرسم الباترون

ونشتغل كما يلى وحنعمل منه قطعتين

21 (21/21/24) سلسلة
السطر الاول
( عمود سلسلة عمود ) فى سادس سلسلة من جهة الابرة , نترك 2 سلسلة *( عمود سلسلة عمود )فى السلسلة التالية نترك 2 سلسلة * نكرر مابين النجمتين حتى اخر السطر وعندما تصلى لاخر سلسلة نشتغل فيها عمود ستجدى عندك 5( 5/5/6) غرز فى

السطر الثانى

3 سلسلة كأنها اول عمود
عمود فى نفس المكان (هنا حنبدأ نزود فى الكم ) يعنى كأننا زودنا بمقدار نصف غرزة من غرز الفى

غرزة الفى فى منتصف غرزة الفى فى السطر السابق
وفى كل غرزة فى نعمل غرزة فى الى اخر السطر وفى غرزة فى السطر بدل ما كنا بنشتغل عمود حنشتغل 2 عمود
( بنزود فى الجهة الاخرى
السطر التالت
3 سلسلة ونلف
عمود فى اول عمود
عمود فى العمود التالى
غرزة الفى فى كل غرزة فى حتى اخر السطر
عمود فىالعمود قبل الاخير
2 عمود فى قمة سلسلة البداية للسطر السابق

السطر الرابع

3 سلسلة ولفى
غرزة الفى فى العمود التالى
ثم غرزة الفى فى كل غرزة فى سابقة حتى اخرعمودين فى السطر نعمل الاتى

نترك عمود ونشتغل غرزة الفى فى العمود التالى ثم عمود فى قمة سلسلة البداية للسطر السابق

السطر الخامس
3 سلسلة لفى
غرزة الفى كل غرزة فى من السطر السابق
عمود فى قمة سلسلة البداية للسطر السابق

السطر السادس الى الثالث عشر
نكرراخر 4 اسطر اى من السطر السطرالثانى للخامس
مرتين (3/3/3) مرات اوحتى نصل للعرض المرسوم على الباترون
وبكده انتهى الكم

:26:
التقفيل والتشطيب

اقفلى الاكتاف
وبعدين افردىالشغل وضعى الكم وخيطيه مع اكمام اليمين واليسارثم قفلى الاجناب
عمل حافة الاكمام
الضمى الخيط اشتغلى سطرين بغرزة الحشوالخلفية

نفس الشيء نعمله على حافةالجاكت من اسفل سطرين بغرزة الحشوالخلفية

الكولة او الباندة
11 سلسلة
السطر الاول
حشو فى تانى غرزة من الابرة وحشو حتى نهاية السطر
السطر التانى
سلسلة ولفى اشتغلى على اللفة الخلفية بس للغرزة حشو فى كل غرزة
كررى سطر 2 الى ان تصلى بطول هذه القطعة الى 145 ( 150/ 155/160 ) سنتيمتر
تبتى وقصى
خيطى تلك القطعة بوضعها الوجه مقابل الوجه او اشبكيها بغرزة السلسلة
من حافةالجاكت اليمنى من اسفل مرورا بالرقبة من الخلف ورجوعا الى ان تصلى لحافة الجاكت اليسرى من اسفل
يمكنك عمل حزام بنفس طريقة الكولة بالطول العرض اللى تفضليهم

تم
:26::26:

عاوزين نشوف التطبيق بسرعة يا بنوته

ربنا يخليكى يا نونا و يبارك فيكى

كفيتى ووفيتى يا قلبى

مشكورة وايد على الشرح الوافى و البسيط

و ان شاء الله اول ما اعمل الجاكيت راح انزل الخطوات لكم كما شرحتى لى

و ياريت يا نونا....يكون هذا الموديل من اليوم و رشة عمل لجميع الاعضاء

و طبعا راح تكونى انتى معلمتنا و مرجعنا لتصحيح الاخطأ

و النات اللى تحب ان تنظم لنا تسجل اسمها فى هذة الصفحة ...خلاص راح نفتحها و رشة عمل لجميع
ولا تنسى انك تردى عليهم ...لانك انتى البوس تبعنا

اشكرك من كل قلبى يا عسل
والله يوفقك و ييسر امورك يا الغالية
ودمتى سالمة

لا شكر على واجب يا بنوته
انا كمان عجبنى الجاكت ولقيته سهل جدا
وان شاء الله اتابعكم لعمل ورشه عمل له وحنبدأها ان شاء الله لمن تريد برسم الباترون المبسط
علشان المقاسات تكون مظبوطة

مشكوووووووووووووووووووورة