توي اشوف ردك معليش لالاتتضايقين من صراحتي انا ودي اطمنك بس لأني ماره فبتجربه وعارفه اكيد ان ودك تعرفين اكثر من تطمين الناس عشان كذاا صارحتك
شوفي حبيبتي اولادي ماهو نفس التشوه بس جيراننا مرت ولدهم اول وحمل لها مثل وصفك وشفت وحده بعد مثل وصفك اول حمل لها بس وبعدها سبحان الله والحمدلله بفضل الله ورحمته البقيه سليمين وهذولا يشفعون ان شاءالله والله كريم بالنسبه للعمليات ماادري والله ماقدر افيدك
بس انتي ليه ماسألتي المستشفى عن احتمال يعيش او مايعيش
انا كنت ادخل العنايه المركزه حقت المواليد واشوف واتكلم مع الممرضات بس نصيحتي كانك ولدتي طبيعي او قيصري لاتشوفينه الا بعد ماتسألين هل هو طيب هل كويس بعدها شوفيه راااح يقطع قلبك وانتي مابيدك حيله واسأليهم عن احتمال يعيش او لالالا وكله بأمر الله
اهم شي عليك اللحين بالدعاء
ماراح ينفع سؤال وجواب الناس ادعي وتوكلي على الكريم وايقني بالاجابه وتحري شروط الدعاء ولاوزمه ورحي للجامعه وووحاولي تلهين عمرك
وربي حاسه فيك لأني مجربه اثنين مو واحد بس مثل ماقلت لك سوي تحاليل واسأليهم ليه ؟؟؟
وترى ربك كريم ادعي
بس بالله بالله لاتنسين تطمنيني اذا ولدتي سواء كان طيب او مثل ماقالو
ويااااااااااااااااااااااكثر الاجر اللي بيجيك ابشري بدعوتي لك بظهر الغيب
واطلبي من الطبيب ان يكلم زوجك عشان يسندك ويكون لك عون بعض الرجال يهاوشون الام لمى تبكي ويكون ضايق صدرها وهذا غلط طلعي كل اللي فيك لايصير فيك قولون مثلي لاتكتمين ابداا وقولي لطبيب قله يساندني الحامل من دون شي نفسيااااات وشلون مثلك
اسأل الله بمنه وكرمه وجوده واحسانه ان لايمتحن ايمانانا فنحن لانقوى

و الله يا اختي ... بقولك قصه .... فيه وحده قالوا لها جنينك ما عنده وجه سقطيه ... قالت لا ما راح اسقطه .. و توكلت على الله تعالى و قعدت تدعي كثيييير ... المهم لما ولدت طلع ابنها جدا جميل و شعره مره طويل لدرجه انه مغطي وجهه عشان كذا كا بان بالسونار ... ادعي كثييير يا عزيزتي و استغفري كثييير ... الاستغفار مفعوله عجيب ..... و لا تنسين انو الدعاء يغير القدر ....

اسال الله العلي القدير ان يرزقك بطفل جميل و معافى و صالح و بار بك و بوالده ........

الله يقومك بالسلامه و ما تشوفين شر يا الغلا
دمتي بخير
اختك الشوق

اختي اكثري من الأستغفار ودعاء الليل والصدقه بنية الشفاء لأني اذكر قصة وحده كاتبتها هنا لبنتها للعظه والعبره بنتها كانت في راسها مويه والتزمت الدعاء والصلاة والصدقه وولدتها سليمه

هلا اخت امل الله يقومك بالسلامه ويفرحك بسلامتك جنينك
انا قصتي انه قالو ان الجنين راسه صغير جدا ولما ولدت جبت بنت زي ماقالو ووزنها كان كيلو وتسعميه يعني ربي رحمها انه جسمها وصغير وقالو انها بتكون عندها اعاقه جسديه وعقليه الان عمرها 4 سنوات وفي الروضه وباتم صحه ماتفلرقينها عن الطبيعي ووجبت بعدها بنت سليمه والحين حامل وارجو من الله العافيه له فلا تخافين وزي ماقالو اكثري من الدعاء وطمنينا اذا ولدتي

يا اختي اكثري من الصدقة والاستغفار
وان توفي المفروض تفرحين لانة راح يكون لك شفيع يوم القيامة
انا عمتي جابت بنت معاقة وعندها مشاكل بالكلي توفت بعد الولادة باسبوع رحمة من الله لان البنت تعبانة
وبعدها حملت وجابت ولد مستصح وذكي جدا ماشاء الله
بعض الحريم اول طفل يكون تعبان والباقين مستصحين
والله يسهل امورك يارب