جالسة أغامر بجنيني عشان ماتتشمت بي أمي !/ استوفى الرد

مرحبا بنات


انا حامل بالشهر التاسع و عندي بنت جبتها بعملية قيصرية


يا بنات عندي أم ماتحمل من الأمومة إلا اسمها

عمرها الحين 50 سنة يعني بشبابها تروح وتجي و ماتخلي مسيار ماتروح له

عانيت كثير منها قبل زواجي ، ضرب و اهانات و كره حتى القذف تقذفني بعبارات قذرة


حياتي قبل زواجي كانت جحيم بسببها هي و ابوي واخواني

يعني كانت لدرجة تحرش اخواني ما يوصلوني ولا يجيبوني الا بفلوس

وكنت اخلي صديقتي توصي اخوها يجيب اغراضي لان ماعندي فلوس اعطي اخواني عشان يودوني

ضرتني كثير حتى بعد زواجي حسبي الله ونعم الوكيل

المهم بعد زواجي حملت وجبت بنت بعملية قيصرية



ماتتخيلون كيف تأذيت من كلام امي بنفاسي تعايرني اني ولدت قيصري و الحريم يولدون طبيعي


انقهررررت من كلامها لأن الاطباء قالوا لي ان البنت بتموت لو ماعملنا العملية


صارت طول النفاس تقول لاختي الصغيرة ام 12 سنة : انتي ان شاء الله تتزوجين وتجيبين ولد طبيعي

يعني هو بيدي اجيب ولد و اولد طبيعي ؟!!!!

والله اني صحت بداخلي و تندمت اني نفست عندها

مع انها ماقامت بي بنفاسي مرررررة

ولدت عملية ما اقدر اتحرك من فراشي وكنت انام لحالي لانها عيت تساعدني وتقول لي لا تعلمين زوجك ان تنامين لحالك !!

الحين انا حامل و بنهاية التاسع ومقررين لي الاطباء قيصري

و انا عن حسن نية علمتها بسالفة القيصري

و بدت بموال فلانة تولد طبيعي وعلانة ربي مسهل لها تولد طبيعي


كلامها يقهر والله اشم ريحة الشماتة بكلامها
من اسلوبها و طريقة كلامها هونت ما بي اعمل عملية وانقذ جنيني عشان ابحاول اولد طبيعي ولو ان فيها مغامرة على رحمي و على جنيني


اخ يا بنات والله شعور صعب انك تسمعين الكلام اللي يغث من قبل لا تصير المصيبة


امي بادية من الحين بمعايرها اني بولد قيصري

مابي غير دعواتكم ان الله يخيب كلام الاطباء و أولد طبيعي عشان لايصير لها مجال شماتة فيني