جالسة بالبيت وجاها مبلغ 60 ألف ريال تخيلووووو

السلام عليكم ورحمة الله وبركاته
حبيت اطرح الموضوع هذا مثلة مثل كثير من المواضيع اللي تدفعنا وتحثنا على التقرب اكثر واكثر الى الله
بدافع الحصول على شي او بدافع التقرب الى الله من اجل الحصول على الجنه ومجاورة الرسول والانبياء والاولياء والصالحين والشهداء ( يارب نكون ممن يجاورونهم بالجنه ياارب )
وتمنيت احط الموضوع بكل الاقسام مشان يطلعون علية شريحه كبيرة
لان جميع الاقسام احسها تحتاجه ( تركدي على عمرك بس )
ما ادري احس كذا
المهم
لي قريبة
خصلت ثانوي بمعدل سئ ( مثلي انا ووجهي )
جلست بالبيت لا وظيفة ولا طفل ولا شي
وربي يرزقنا الذرية ويرزقكم برضو ماعندها اطفال حالها من حالى :( ( نتشابهه في اشياء كثيره الحمد الله )
وتقول الحمد الله هي بخير ونعمة بس تحس انها تبغى تتسلى وتقضي على هالوقت اللي عندها بشي ينفعها
وكان اغلبية تفكيرها منصب على انها تجيب اطفال وعلى كيف ممكن يكون عندها مبلغ ينفعها ( فكرت انها تشتغل بشهاده الثانوية قبلوها في روضة اكثر من مرة معلمة انجليزي عندها شهاده وهوايتها الرسم لكن زوجها مارضى يقول انه مايحبها تشتغل يبغيها متفرغة له. وعلى فكرة هو يعطيها شهريا الف ريال واذا احتاجت اكثر يزيديها مايقصر معها )
المهم
تقول
قبل ثلاث شهور او اربع ما اذكر بالضبط
تقول
جلست استغفر بعد كل صلاه الف مرة
واذا خلصت صلاه وانا اطبخ
انظف
اسوي اي شي استغفر برضو
واصلي على محمد صلى الله علية وسلم 100 مرة بعد كل صلاه
وكنت ادعي ربي بهذا الدعاء ( اللهم اسالك انك انت الله الواحد الاحد الفرد الصمد الذي لم يلد ولم يولد ولم يكن له كفوا احد ان ترزقني الذرية الصالحه وترزقني الجنه )
( ياودود ياودود ، ياذا العرش المجيد يافعالا لما تريد يامبدئ يامعيد اسالك اللهم بنور وجهك الذي ملا اركان عرشك وبقدرتك التي قدرت بها على جميع خلقك وبرحمتك التي ملأت اركان كل شي لا إله الا انت يامغيث اغثني يارب ارزقني الذرية الصالحه وارزقني الجنه )
( قراء صفحه من القران بعد كل فريضة )
وكانت حاطة ببالها انها تبغى مبلغ تقدر تفتح به مشروع ،
تقول
كان ببالي ابغى مبلغ بقوة ، لكن لسانها ينطق عبارة ارزقني بالذرية والجنه
ولا خبرت احد حتى زوجي بتفكيري
كان بيني وبين نفسي وربي
صحيح اني كنت ادعو بالذرية وبالجنه لكن ذاك الوقت كنت كثيييير ابغى وظيفة او مبلغ اسوي مشروع
تقول مر شهرين من دعائها واستغفارها وذكرها لله على كل حال
الا صرفو ا راتب الشهرين وزوجها كان واعدها انه يعطيها نصهم
جا لها وعطها 20 ألف ريال
قال لها هذا المبلغ كلة لك زيادة الراتبين
قالت له ما ابغاهم كلهم احنا تفقنا نصهم لي
قال حلال عليك ما احتاجهم

تقول فرحت كثيررر
وشكرت ربي
وقررت قرار
اتصلت على اخوي وقلت له تعال
واخذت مبلغ منهم
ورحت وزعتهم على بعض فقراء الحي
(ربي يتقبل ان شاء الله يارب ولا يكون رياء وسمعه واذكر لكم القصة عضة وعبرة مشان نشوف شقد ربي مايخلف وعده بس بني ادم يبغى ولا يعطي )
تقول المفاجاة الكبيرة
قبل مايكمل الشهر
الا زوجها جايب لها 40 ألف ريال غير العشرين الف
قال لها هذي لك
جلست تضحك وتقول اية قص علي
قال لها وربي لك
تدري انه زوجها اذا حلف مو لعب
قالت له
من وين وليش
قال لها : واحد متسلف مني مبلغ من زمان من سنين
وبحكم اني ما احتجهم ماطالبت بهم ( تقول مع انه عنده اوراق عليه لكن يقول ما احتجهم مشان اطالبه وبمجرد ما احتاجهم بطالبة )
يقول
والان ربي سهل علية ...رجع اشوي من المبلغ
تقول
قلت له طيب ليش تعطيني اياهم خلهم يمكن نحتاجهم بالمستقبل
قال حلال عليك خذيهم يمكن انتي تحتاجينهم
تقول تذكرت ربي
وقلت الحمد الله
وبرضو خذت مبلغ من ال40 الف ووزعته بنفسها على بعض فقراء الحي
مع العلم ان زوجها برضو لسه يعطيها مصروفها الشهري الف ريال وزياده

الان مبلغ 60 الف تقريبا عندها مو عارفة شتسوي بهم
تقول في بالها مشرووع
لكن مو عارفة لحالها تتحرك بحكم انها امراة
تقول كنت اتمنى المال
وصار عندي والان مخزن
صحيح ان بني ادم امرة عجيب

الزبدة من ذكر القصة
هالله الله بالذكر والاستغفار وقراة القران لا لأجل شي بالدنيا لانك راح تحصلينه مثل ربي ماوعدنا
لكن من اجل
الاخرة ومجاورة الانبياء والصالحين والشهداء باذن الله لان فعلا راح يتحقق اذا حطيتي ببالك هالشي وتبغينه راح يتحقق لان ربي وعد به
اذا بغينا الدنيا
ربي بيعطينا اللي نبغى
اية وبعدين
هي شعرت بفرحه ان ربي عطاها اللي تبغى
انا ما اقول ماندعي ربي مشان شي نبغية
لكن ربي راح يعطينا اياه مؤكد مؤكد
لكن وبعدين مو هذا مرادنا مو هذا اللي بيسبب لنا السعاده ، لأنها بتكون سعاده مؤقته وبتروح
ومثل ماقالت وبعدين
هي الان مخزنه الفلوس
يعني لا الفلوس هي سر السعاده ولا شي من الدنيا
شي من الاخرة
شي يوصلنا الى مجاورة الاولياء والانبياء والشهداء والصالحين
شئ يقربنا من ربي مشان يرزقنا النظر الى وجهه الكريم ياااارب
خواتي
صاحبه القصة تطلب منكم الدعاء لها بالهداية والثبات والرحمة والمغفرة والجنة
اللهم ارزقني وارزقها وارزق المسلمين والمسلمات جنات عدن يااارب
اسال الله تعالى الجنه لي ولكم وللمسلمين جميعا يااااااااااارب العالمين
اللهم امين