جالسه على المنتدى ابي اقرا اراءكم ومشورتكم الان

السلام عليكم..اخواتي نفسيا تعبانه ومحتاجه لمشورتكم وارائكم...تفاصيلي كثيرة ولكن تحملوها
بداية انا لي متزوجه 10 شهور وزوجي طبعا بالتدريج صاير يتغير شوي شوي بالبداية هو كان مررة حنون وعطوف ويخاف علي من الكلمة انها تجرحني وماتتصورون وش كثر يخاف على احاسيس وخاطري ويدللني بس صاير اسلوبه معاي متغير والمشاكل كثرت بينا .هو ملتزم وحافظ للقران
مثلا كنا مسافرين بالسيارة لم اهلنا من الرياض..وقرب التفتيش وكنت كاشفه وجهي لانه طريق سفر مافيه احد وطبعا لازم اغطي عشان نقطة التفتيش المهم مزحت معاه وحطيت شكل لطمة وقلتله اووووه وش رايك بهاللطمة حلوة صح طبعا انا بغطي وجهي زين وهو عارف رد علي قالي لا ان شا الله اعوذ بالله انتي ان شاء الله النقاب راح تتركينه (واصلا انا نقابي حق عجز الي عيونهم دوبه يبان ومرة حجابي الحمدلله ممتاز احسن من يوم كنت عند بيت اهلي لله اولا واحتراما لرغبته ثانيا)
قلتله ليش وش فيه نقابي هذا وانا مررة مضيقته ويادوب اقدر اشوف كله علشانك صحيح انه يهمني ربي بس انا ابالغ بلبسي للنقاب والعباية علشان ادري بترتاح نفسيا...رد يعني م\و علشان ربك قلتله انا قلتلك عشان ربي وابالغ بزياده عشان ترتااح نفسيا
بعدين استأنفت وقلت :مدري انا مااحب كذا احس اني ابي اتعقد ...وحنا نتكلم عادي بهدوء
فاجأني نتر علي واشر بيده وقال:لاااااا تحبيين بس
انا انصفقت لانهماله داعي هالاسلوب احنا نتكلم عادي وطول باقي الطريق وانا متغلقه وهو ولا هامه كالعاده يرفع ضغطي بعدم الامبالاه ولا حتى التفتلي ولا تكلم اي كلمه انا هالشي يجرحني ويموتني... لما قربنا نوصل لبيت اهلي قال المكيف زين او بارد انا ناظرته وماجاوبت ابي يعرف اني زعلانه وبالليل ماارسلي تصبحين على خير ...وبالعاده يرسلي اذا كنا نايمين كل واحد عند اهله.زوعاتبته برسايل ولا حتى يرد علي برسايل او باتصال يرسلي اذا تبين مشوار قوليلي ..!!!! طيب وعتابي ماله قيمة تطنيشه ولا مبالاته هذي قاهرتني
وطبعا فيه مشااكل بين امي وابوي واصلين للطلاق والوضع مشتت عشان كذا اندمر نفسيا لما اروح هناك وماانبسط مثل البنات الي يزورون اهاليهم...وانا الوحيده ومالي خوات ولا اقارب بالرياض..احس نفسي وحيده بهالدنيا حتى امي ماتفهمني ...وانا على سوء خلااف بيني وبين امي
انا متعينه بجازان وقبل امس رحت اوقع وارجع لاني كنت ماتخذه اجازة استثنائية عشان اوقف بجنب ابو الشباب
مع انه امي واخواني محتاجين راتب الوظيفه ابوي بخيل مايعطيهعم وهم ببيته وشلون وهم برا
ومشكلتي مع اهلي مشكله كاني انا ابوهم او المسؤوله عنهم صح كل بنت تساعد اهلها بس انا كنت احول الراتب كامل لامي بدون مااخذ منه ولا ريال واحد لنفسي اول مايطلع واللي معاي من زوجي اعطيه لاخواني وهكذا حسيت بالغلط لاني طمعتهم فيني وصاروا يعتبروا هالشي كانه واجب وانه انا بنتها وبنتهم ايش ماسويت مااوفي حق احد.......وامي تقول الخمس سنوات هذي الاولى لاهلك بعدين فكري اذا تبين توفرين او تسويين مشاريع تخيلوا يابنات...كل هذا لانه كنت مقتدرة وعندي مصروف من زوجي هذاك اليوم وخالي اخو امي فقيير جدا وهو سعودي بس ساكن برا بدوله عربية وجا زيارة وكسر خاطري ذاك اليوم حسيت انه مشتهي جوال ابوكاميرا اللي مع هالناس وعطيته جوالي وعيا قال خليه معاك ولما اقرب اسافر امر عليك بالريا واخذه طبعا بعد كم شهر تغيرت ظروفي المادية وصرت مااقدر اعطيه هذا واشتري جهاز واخوي يدرس بمعهد كمبيوتر ولازم قسط انا طبعا ادفعه وامي البت الي مستاجرته حل ايجاره وانا اللي بدفع طبعا حاولت المح له واتهرب من مساله الجوال لما صار فيه الف باب وانا باجازة بدون راتب بس هو كاان جدا طماع ومااقدر ظروفنا يعني مثل المشفوح اللي ماصدق خبر ...زوصارت امي تزعل وتقول انتي تغبي فلوس عشان مشاريع وانتي طموحه وتبين تسوين تجارات ووو..اه اه يابنات مره انجرحت اي تجارات ومشاريع وانا احرم الشي لبنفسي واحولكم كل شي يصير معاي اول باول...
اه يابنات صح امي على عيني وراسي بس انجرححت مرة وعصبت صرت اشوف شياطين الارض تتنطط قدامي من اسلوب امي معاي الاستفزازي الله يهديها ومن اسلوب خالي الطمعي
اعترف عصبت وانا من النوع مع الاسف ان عصبت اقلب الدنيا واخربط اشكال والوان ومااقدر اسيطر على نفسي وبعدين ارسلت لخالي رسايل واتصلت عليه وعصبت
وجا الحين زوجي كملها معاي رحنا لجيزان من الرياض عشان اوقع مباشرة عشان الاجازة مايحسبوها علي اجازة بدون راتب وكناناويين نروح من هناك لمكه ..المهم جتني الدوورة هناك ورجعنا للرياض .....طبعا ارسلت اعتذارات لامي وماتقبلتها مع انهم والله هم غلطاننيين علي مرة ومحمليني فوق طاقتي ومافي لاشكرا ولا شي ..وكلمتها اعزيها لانه خالها مات سكرت السماعه بوجهي
المهم انا نفسيا متحطمممة احس اني مقطووعهماعندي اهل ولا احد رجعنا نظفنا البيت انا وزوجي مع بعض وكان معزوم باستراحه بالليل راح بعد المغرب وما رجع الا 1 ونص بالليل ..وطبعا انا اكلتني الوحدة بهالوقت الطويل
ومانمت ااا لما رجع وهو مايسهر برا هذي ثاني مرة يسويها انا مو متضايقه انه يسهر برا بالعكس كيفه بس انا بناء على الظروف اللي راحت كلهم والتراكمات احس نفسيتي تعبانه ووجهي منقلب غصب علي وهو جا اكيد لاحظ ونمنا وماحبيت اسولف بالفراش كثير لاني عارفه انه الوقت متاخر ونعسان ......
المهم من بكرا قمت من النوم وهو قايم قبلي وطالع برا يبي يراجع بعض الاوراق..... ومابعد تقضينا خضار واشياء للطبخ ورجع الظهر وطلع ثانيه يصلي وجاب غدا معاه وهو دايم كودو كودو وكممرة المحله انه طلع من اذاني غير الواحد يكره النعمة استغفر الله
\وكل مرة يطنش هالمرة جايبله كم كودو وانا جايبلي تويستر من كنتاكي وقاعدءين نتغدا حبيت احسسه اني حاسه فيك وانك رحت مشوار علشان تتعنى وتجيب من مطعم ثاني لانه يقولون هالشي يساعد الرجال على مزيد من العطاء
لالمهم قلتله عسا ياحبيبي ماتعنيت وكانن جنب بعض قالي ايه جنب بعض بعد شوي قال ياقلبي جنب بعض بس مو جنب جنب بعض رحت مشوواار لقرييح بدال مااتصل على كودو هذا القريب رحت لهذاك عشانهم جنب بعض
انا انصدمت وتاثرت لانه احس انه يمن علي وقلت بقلبي ليتي ماشكرته وهو فيه طبع اذا سوا شي نفس الاسلوب يشرحوش كثر راح وتعب وسوى
طبعا عادي مشيتها ماني ناقصه نكشر مع بعض راح غرفته ينام لحقته بعد كم دقيقه ونمت بحضنه وقلتله انت ماتحبني بدلع(والله العظيم كان الدافع نفسي اني قلت كذا ابي يقولي لا انا احبك وووومن هالكلام العاطفي لاني فعلا كنت محتاجتله بقوة احس مالي احد بهالدنيا الا هو)
للمرة المدري كم صدمني وحطمني قالي لجيزااان ووديناااك وفلوس وعطيناك وش بعد ترااك ابلشتينا!!!!!!!!!!! قلت بهدوء طيب لاتمن علي وجلست دقيقه استنى يمكن يتندم على هالقسوة ويحسن شوي من هالموقف غمض عيونه وانا انسحبت وطلعت من الغرفه ابكي برا
المهم جا وقت صلاة العصر وقومته وطبعا مبين على وجهي اني متضايقه
واستنى يعبرني يراضيني كالعادة انوااع التطنيش واللامبالاة سويتله العصر قهوة وشاي لانه هو يشرب العصر وحطيتهن بالصالة وجا جلس وانا جلست وكان بيده قران يقرا قلتله اصب لك قهوة اشرلي بيده لا

وانا جالسه مااسوي شي استناه يخلص المهم كان جنبي جريدة فتحتها اقلبها وهو فجأة قام على بالي انه يبي يغسل او شي لما تاخر مارجع رحت المجلس اشوف ولا قاعد معاه كتاب ومصحف يقرا ومعبي كوب قهوة وفاتح المكيف وجالس
ماتتخيلوا يابنات حز بخاطري مرة وبينت له اني منجرحه قلتله ليش قاعد هنا قالي صوت المكيف بالصاله مزعج
على الاقل كنت حابة يحسسني بقيمتي يعبرني يقولي وش رايك نغير الجلسه نروح المجلس او على الاقل يقول بروح المجلس المكيف مزعج
المهم انا بعد هالمواقف مررة بلمت كرهت نفسي زود
لما جا يطلع المغرب عند باب الشقه لحقته وسديت الباب وقلتله مباشره وبصوت مجروح صحيح انا ابلشتك؟؟؟ رد غعلي بقسوة وبنتر قال:ايه ابلشتين ابي انام وفيني نوم تجين تقولين ماتحبني وقاليها باسلوب عنيف شوي وهوش انا بسرعه لما شفت ردة فعله وجوابه كذا رحت دخلت وخليته وهو طبعا طلع وجلست صحت لاني كنت متاملة يقولي معليش حبيبيتي ماكنت اقصد اي مبرر يطيب خاطري فيه بس مع الاسف
وبالفترة هذي دق علي عمي وهو جاي متن مدينه ثانيه ياخذ بالرياض دورة وقالي بزوركم واول مرة يدخل بيتي اتصلت على زوجي وسلمت وقلتله عمي يبي يجي
وقعدنا مع عمي عادي وطبيعي لما راح قلت يابنت الحلال انسي الكلام الي غثك واسلوبه الدنيا فيها موتوت وحياة رحت لمه بالمجلس وخليت عنده صحن فطاير عشان ياكل وشلت بقية اااشياء وقلتله تراي خليته عشان تاكل او تشتهي اسويلك عشا ثاني قالي لا باكل من هالمعجنات
بعد شوي جيت اتميلح واسوي جو .......كان معاه ورقه ويكتب جيت ابتسم واويز عليها مثل الاطفال هو جته ضحكة بس غباها وقعدت شوي ماعبرني كمل كتابة ورحت جبت المحمول وقلت انا بقعد عندك معليش او اضايقك
قال ببرود لا عادي بعد فترة قام وراح وجواله ما اخذه معاه قلت يمكن راح الحمام اكرمكم الله وتاخر لما رحت شفته نايم مرة انقهرت زووود وتحطمت زوود على ااقل قولي تصبحينن على خير اوبروحانام من بعد اذنك؟؟؟؟
جبتله جواله وحطيته على الكمدينه وفرشيت وغيرت ونمت وما كان بعد نايم
قلتله بلهجة عتاب مافي تصببحي على خير او شي كاني جدار مالي قيمه رد:بنشافيه تصبحي على خير انتي ماتقولين لي صباح الخير.....قلتله دايم اول مااقوم واشوفك اجي وابوسك واضمك واقولك صباح الخير .بس انا صاير جاف هاليومين .رد:بكرى احط مرطب
تخيلوا هالاسلوب الي يرفع الضغط انا صرت ابكي ماتحملت وقلتله حرام عليك وش سويتلك انا...ليش متغير علي ...على بالكم حن او لان قلبه مره صاار وانقلب قااسي وبدا يجرحني بالكلام ويقول ادور على الصيدليات ادور حبوب ضغط والخ... والى الان ماجا راضاني مرة مطنشني ....صاير قااسي بوقت انا محتاجتله مرة
وقلتله هالشي بس ماتغير ومن امس مومعبرني ومطنشني
اول كان مايحتمل زعلي ويهديني وردة اوورقه رومانسية اذا زعلني ويعتذر الحين مايفكر يعتذر ولا يعترف قولولي وش رايكم غلطان هو او انا وايش الحل معاه محتاارة ومتحطمة استناكم