جامعاتنا.. ودكاترتها.. وظلم طالباتها..

لا حول ولا قوة الا بالله

يختي الله يعين كل من يدخل ذا الجامعات على الظلم والتعسف

سبحان الله اليوم بس كنت اكلم وحدة عن هذا الموضوع

ورأيي الصريح في كليات التربية وهي انك نااادرا ماتلقين ظلم

وان صار عليك ظلم طالبي بتشكيل لجنة وتنحل باذن الله

ليه؟؟

لان في كليات التربية يكون تصحيح الاوراق بالكونترول ،، فيه لجان مراجعة

وتدقيق ،، الرصد يكون من قبل كنترول الرجال ،،،،

عشان كذا تكون نسبة الظلم قليلة

اما الحال في الجامعات كحال الملك سعود والملك عبدالعزيز

كل مين ايدو اليو

كل استاذ يصحح وينزل الدرجات والاوراق الظاهر يلفون بها الساندويش

لكن في كلية التربية الاوراق تقعد كم سنة بعدين يتم اتلافها


كان الله في عونك اختي وان شاء الله ربي مايضيعلك تعب
على فكرة

ترى مافهمت وشو السؤال؟؟؟؟ وش يقصد ؟؟؟

الظاهر بس كان يبغا يضحككم ويخفف دمه ((( احلفي!!!!!!!!)))

__________________________


ادري طولت بس والله اضم صوتي لصوتك

والمفروض التعليم العالي عندنا ينخل ويتزبط

وتسلمين على الموضوع

وأنا أعاني من نفس المشكلة
وبصراحة الأستاذات ماهم سواسية
بعضهم تساعد الطالبة بكل ما استطاعت
وبعضهم وبصراحة هم أكثرية
كأنها تعطي الدرجات من بيتها
الي قاهرني هالترم
مادة متوقعة النجاح فيها بنسبة 100%
تخيلي جايبه فيها بأعمال السنة43 من60
وحليت كويس بالنهائي وآخر شي رسوووب:44::44:
مأقول غير حسبي الله عليها من جد دعيت عليها من القهر
كيف مايفهمون هذا مستقبل
مو مزاجيات
***************************

السلام عليكم جميعا
صدق كلامكن
قد قلتن حقا

مرحبا عزيزتي
لقد استثارني عنوان موضوعك حول الجامعه
واردت ان أخبرك بأن ما يحدث في جامعة الملك سعود هو ما يحدث ايضا لدينا في بعض كليات
جامعة الكويت و بالأخص كلية الهموم ..عفوا أقصد كلية العلوم
فإن الشخص الملقب ب(الدكتور) يدخل القاعه لإلقاء المحاضره و هو على استعداد تام لذلك و لكن!!
يجب على الطالب و الطالبه أن يكونا على علم مسبق و تام بما سوف يقوم بشرحه هذا (الدكتور)
فيقوم الدكتور بشرح الماده.. و يعامل الطالب على ان مستوى تعليمه كمستوى تعليم هذا الدكتور
بمعنى ..

..............
الدكتور يشرح للطالب و الطالبه و لازم يفهمون اللي قاعد يشرحه و بليز بدون مقاطعه او اعاده...لأن المفروض انتي تكونين فاهمه المحاضره قبل ماتنقال (شلون مادري ..لأن هذا تخصص الطالب مو الدكتور) و دايما يقولون:
اذا مو فاهمين شي راجعونا بالكاتب بالاوفس آور و لمن تروحين ما تلاقينهم

طبعا اتكلم عن بعض الدكاتره مو كلهم
وبقول نقطه مهمه جدا جدا
تلاقين (غالبا) يكون شرح الدكتور بصوووووووووووب
والامتحان بصووووووووب ثاني كلش



او ان يدش الدكتور و يقعد يسولف بمواضيع مالها دخل بالماده
يقعد يسولف عن نفسه و عن سفراته اللي كان يدرس فيها و المواقف اللي تصيرله
طيب احنا شكو بهالسوالف..!؟ وين الماده اللي نبي ندرسها؟؟
ولمن تجي حزة الامتحان ولا انتي مو فاهمه شي واصلا ماتدرين شنو بتدرسين




واذا رحتي وراجعتي ورقة امتحانج تلاقين نفسج ناقصه مادري جم درجه على ولا شي
مع انه هالدرجات تكون من حقج يعني مو زياده من هالدكتور


والله يسامح بعض الدكاتره على تقاديرهم بنهاية الكورس ... يرفع الطالب اللي يعجبه و ينزل اللي مايعجبه
والواسطات تشتغل و الحوسه و المصالح كل هالاشياء ترفع الطالب من تقدير D الى تقدير A بدون تعب ولا شي
يعني عندك واسطه و معرفه مع هالدكتور خلالالالاص لا تحاتي



ومانقول الا حسبي الله ونعم الوكيل على بعض الدكاتره و أرد و اقول اني ما أعمم هالشي على كل الدكاتره
بس أقول عن بعضهم و الله يسامحهم و يهديهم و يصحي ضميرهم


لا تخافين حبيبتي كل قوي عليه اللي اقوى منه..
هالمشكله عندنا كلنا و بأغلب الجامعات.. حبيت أقولج اني هم انا اعاني منها.. عشان اواسيج و أبيّن لج ان مو بس انتوا تعانون لأن حتى احنا نعاني... بس لنا رب ما ينسانا و ياخذ حقوقنا عاجلا ام آجلا


تحياتي لج : غاليـ ـ ـ ـ ـ ـوه ( طالبه مقهوره )

Dreams4u

مشكورة على ردك السريع.. واعذرني مارديت على طول.. بسبب النت..

بالنسبة لكلية التربية.. انتي تقولين نادرا..؟؟!! انا مادرست فيها.. بس اللي اعرفهم.. كلهم يقولون مثل حالتنا.. مافيه تصحيح..

والسؤال.. مثل ماقلتي.. شكله بيضحكنا ويضحك علينا..


مشكورة يالغالية على مشاركتك.. واضافتك..