جامعة الأميرة نورة والظلم اللي اشوفه ..

السلام عليكم ورحمة الله وبركاته

بدون مقدمات .. بقول لكم وش الموقف اللي صار وانتم احكموا

قبل اسبوع تقريبا سووا لنا اختبار باللغة الأنجليزية (محادثه ) وعليه 10 درجات لكل المسارين
طبعا انا اوب بلبل بالشي هذا بس يطلع مني ..
المهم انا وصديقتي متقاربين بالمستوى بس انا شعبه وهي شعبه ثانيه
واختبرنا كلنا وللمعلوميه احنا مدرستنا روسية ونظااامية جدا ماتطلعنا الا على الوقت ! حتى لو ماعندنا شي لااازم تدور شي تقوله .. وفي يوم اختبار المحادثة تسألني اسئله < زي مثلا وش القصص المفضلة لديك ومتى آخر مرة قريتي قصة وش تطبخين .. الخ واجاوب اجاوب يوم قالت الدرجات من بكره قالت نتي خذتي 4 من 10 ؟ طيب ليييه ؟؟ عيت تناقشنا وقالت هذا مستواكم اللي ماأعجبها تعدل لغتها << طيب انا من حقي اعرف وش غلطت فيه عشان ماأكرر غلطتي !!!!! واللي يقهر انو بس انا ومعي 3 بنات حاطه لنا 4 من 10 ولا قد صار لي موقف معها حتى !!
لا حياة لمن تنادي .. غير كذا هي ماتعرف عربي ابد مرااات اصير ودي اتكللللم واحاووول معها بس ماتعطي وجه يعني تخيلوا وانتي تتكلمين تقول اوك اوك lets go يعني بالعربي طيب طيب اجلسي ماعندها استعداد ابدن تناااقش !!!!!!!
غير الحقد اللي حصلته منها عشاني سألتها :(:( والى الان لازلت ماعرف السبب ! بس البنات قالوا يمكن عشان قرامر وسرعة الكلام مع اني والله اني سريعه يوم تسألني لان الاسئله بسيطه
ولو تطبق هالنظام على كل البنات مايخالف والله رااضيه :(
بس صديقتي بعد الاختبار تقول ماجاوبت وبدال لاتقول i cook Chicken قالت i cook kitchen < يعني بدال ماتقول انا اطبخ دجاج قالت انا اطبخ مطبخ وقالت اشياء غلط كثييره مع ذلك خذت 8 < لان استاذتهم سمحه وتمشي لهم الدرجات !!!! وغير كذا يقدرون يتفاهمون معها وتشرح لهم الواجب بالعربي لكن احنا لاتعرف عربي غير كذا ماتعطينا بريك للصلاة الا 10 دقايق بس وان تأخرتي لازم تعطيك كم كلمة بس الصراحه يعني ماقد نقصتنا ..


والله الاختبارات شي يرفففع الضغط تلعب بالدرجات لعععب خصوصا انو اليوم قدمنا مشروعنا طبعا احنا 14 وحده نصهم تكلموا من الاوراق وهاذولي صح عليهم كل شي ماغلطوا ابد ونا ياللي حافظه يوم غلطت حاسبتني واللي قروا من الاوراق عادي !!! :icon33:


حسبنا الله ونعم الوكييييل .. والله يحلل ايام الثانوي يكفي ان االاستاذه اللي تدرسك عربيه وتفهمك وتفهمينها وتعبرين لها عن اللي بخاطرك صح الدروس كب بس والله يكفي انك تدرسين شي عربي .. :44:

المهم ماطول عليكم ثاني شي اي وحده بالثانوي لازم تبدا تطور لغتها من الااااان < نصيحه لوجه الله
ترى والله يوم جيت الجامعه توهقت كثير اشياء بخاطري ابغى اقول للاستاذه عنها بس لاحياة لمن تنادي واذا ناديت وحده عشان تترجم لي تقولها روحي ولا بحط للطالبه اللي تبغى ترجم صفر < والله العظيم ماأكذب عليكم تبغى اتكلم من نفسي ! ونا مااااااعرف شي رات تخنقني العبره بس عاد الشكوى لله هذا اللي ربي كاتبه لنا

وشكرا .. يالله اتحفونا بردودكم اللي تفتح النفس .