هبه عبد العظيم :

حبيبتىىىىىىىىىى ام حصه ازيك واش اخبارج شوفتينى وانا بتكلم ثلاث لغات فى جمله واحده صح الحمد لله على نعمه الاسلام التى تجمعنا تحت رايته اخوه متحابين فعلا يا اختى والله اى صداقه بره النطاق ده وقتيه جدا والشيطان اعوذ بالله منه بيلعب فيها دور عموما هاخذ الموضوع بجد واسال دار الافتاء مساءك فل وياسمين يا ياسمين

حبيبتىىىىىىىىىى ام حصه ازيك واش اخبارج شوفتينى وانا بتكلم ثلاث لغات فى جمله واحده صح...

Noody30 :

السلام عليكم و رحمة الله و بركاته صباح الفل على احلى بنات العرب يا هبهوبتي، المعلومات دي بعضها من منتدى على النت لما عملت بحث عن الفرق بين الكلمتين و البعض الاخر الحمد لله من خلال قراءتي للقرآن الكريم و للتفسير و كمان كتاب ادعية من الكتاب و السنة للشيخ عبد الحليم محمود. و الله يا بنات القرآن الكريم نلاقي فيه ردود على كل حاجة، و اقول لكم مثال بسيط. و انا بادرس تمهيدي الماجستير (مكملتش بعد كده) كان عندنا مادة اسمها ترجمة مقارنة و كان بيدرسها لنا استاذ كبير (سنا و مقاما و شهرة) و هو مسيحي الديانة، الاستاذ ده لغته العربية رائعة في نقاط كتير لكنه غير ملم بألفاظ القرآن الكريم طبعا. كنا بنقارن عدة ترجمات عربية لمسرحية ماكبث و في واحدة من الترجمات المترجم استخدم لفظ (اسطاع) بدلا من (استطاع) و كان تعليقه ان المترجم جانبه الصواب لانه استخدم كلمة غير مستخدمة باللغة العربية و ممكن تكون من مهجور القول. رفعت انا ايدي بسرعة و لما سمح لي بالكلام قلت له بكل هدوء (يا دكتور الكلمة مستخدمة و هي تخفيف لكلمة استطاع و مكررة في سورة الكهف عندما قال الخضر لسيدنا موسى عليهما السلام : "ذلك تأويل ما لم تسطع عليه صبرا" الاية 82، و تكررت في نفس السورة "فما اسطاعوا أن يظهروه و ما استطاعوا له نقبا" الاية 97 عندما طلب القوم من ذي القرنين ان يجعل بينهم و بين يأجوج و مأجوج سدا. و بالطبع وافق على رأيي و لم يجادل فيه بمجرد أن علم ان اللفظة مستخدمة بالقرآن الكريم و على حد قول الاستاذ لم يرده أحد من قبل في هذه النقطة و كانت المرة الاولى التي يعلم فيها باستخدام اللفظ. اذا ينبغي لنا أن نقرأ القرآن بتدبر و بتأني و أن نستذكره كما نستذكر دروسنا الدنيوية لانه يمدنا بالقدرة على المجادلة في الحق و ايضا نجد لدينا سرعة البديهة و التذكر في مواقف تحتاج سرعة في القرار مثل هذا الموقف. و كثرة قراءة القرآن بتركيز و تدبر تجعل الكلمات تثبت في الذهن و تسهل استرجاعها سريعا عند الحاجة اليها طولت في الكلام باللغة الفصحى بس سامحوني لكل مقام مقال، و على فكرة يا هبة لو تحبي تصحي كل يوم تصلي الفجر قوليلي و انا اصحيكي انا بابقى صاحية في الوقت ده انتي عارفة حبيبتي مسلمة، النقاش الهادف الجميل اللي بنتبادل فيه المعلومات المفيدة و القيمة و بنساعد فيه بعض هو افضل حاجة بييسرها لنا النت. يعني انا كمان بعد قراءتي لكلامك قرأت الاول و بحثت قبل ما ارد، و القراءة دي فادتني لانها مدتني بمعلومات زيادة، و المعلومة اللي كنت محتاجة اتأكد منها انتظرت حتى رجعت للبيت و تأكدت منها و رديت عليكي بيها، اذا حاجة جميلة جدا اننا نفتح باب نقاش قيم و نبحث و نسعى الى المعرفة و نوسع مداركنا >>>>> طبعا مسلمة مخضوضة دي نوودي بتاعة المطبخ و الا واحدة تانية!!! انا توأمها العاقل هههههههههههههه ام حصة حبيبتي الله يخليكي يا جميلة، و انا معاكي في سؤالك، احنا عندنا سبانش فلاور في اليابان و رواء الاسلام في المانيا يا ريت يحكو لنا عن رمضان هناك شكله ايه و عن الجالية العربية او المسلمة هناك بتحتفل بيه ازاي و بيتجمعوا فيه على افطار جماعي و الا لا الموضوع ده رائع يا جماعة و التجمع العربي الجميل ده يا ريت الكل يشجعه

السلام عليكم و رحمة الله و بركاته صباح الفل على احلى بنات العرب يا هبهوبتي، المعلومات دي...