السلام عليكم و رحمة الله و بر كاته

رواء حبيبتي، الله يعينكم بجد، و خلي بالك من الاولاد في مرحلة تقلب الجو دي، و ربنا يحميكم و يحفظكم من كل شر. انا يا ستي التراويح باصليها في البيت مش باقدر انزل المسجد، بصراحة انا بابقى جسمي مكسر اصلا من ارهاق اليوم بالسفر زي ما انتي عارفة فباعتكف في اوضتي و اصلي و ربنا يتقبل منا جميعا الصيام و القيام و صالح الاعمال

ام حصة الغالية، حلوة حكاية الامثال دي و على فكرة مثلك الاول عن الحية و الحبل عندنا منه الامثال دي:

اللي يتلسع من الشوربة، ينفخ في الزبادي

اللي يتلسع من الحية يخاف من التعبان >>> نفس مثلك بس باللهجة المصري

فيه مثل ظريف كمان "بعد ما كل و اتكى، قال ريحته مستكة" >>>> بعد ما أكل و قعد يستريح، ذم في الاكل و قال عيبه انه ريحته مستكة (مع ان المستكة ريحتها حلوة بس هو مو لاقي عيب في الاكل)

و يقابله مثل "ملقاش في الورد عيب، قال له يا احمر الخدين" >>>>> لم يجد بالورد عيب فقال له يا أحمر الخدين

و جزاكي الله خيرا على الرابط الجديد رائع و مفيد فعلا، ربنا يكرمك يا ام حصة

ازيك يا ام ياسمين؟؟ اخبار رمضان معاكي ايه؟؟

و انتي يا مسلمة بتغطسي فين؟؟؟ كونيتشيوا يا قمر :)

غرام و حنين، اهلا و سهلا بيكي معانا اتفضلي يا ستي شرفينا و اسعدينا بمشاركاتك احنا منتظرينك

هبة، ما بلاش انتي تتكلمي عن التواقيع!!! و الا عشان اتعلمنا يعني؟؟؟ و الله موضوعك اللي في توقيعي خير شاهد!!!! >>>>> اطلع اجري!!

شوفي يا هوبا انا كنت زمان باحب الايتامين جدا بس دلوقت مفيش وقت و لا دماغ ليه. كمان باحب المطبخ جدا جدا. اما التريكو و الرسم و الكوريشيه فمليش فيهم خالص لاني متعلمتهمش، بس انا باحب اتعلم كل حاجة، و يمكن اذا جه وقت كنت فاضية فيه احاول اتعلم حاجة منهم

عليكم السلام و رحمة الله و بركاته

رانيا حبيبتي لسه شايفة ردك بعد ما بعت ردي، يا كونيتشوا على الناس الحلوين و يا اوهايو جوزايماس كمان!!! اخبارك ايه يا حبيبتي و اخبار الصيام في اليابان ايه؟؟

السلام عليكم و رحمه الله و بركاته
كونيتشى وا عليكم كلكم يا رب كلكم تكونوا جينكى ( إشمعنا انا ؟)

هالله هالله يا عبدالله ! أعلنتوا الحرب ؟ ما كنا حلوين ........ بنتكلم عربي و بلهجات مختلفة ....... بس أشوف قلبتوا لغات عالمية ؟؟؟؟؟؟؟؟؟
لا تخلوني أطلع لكم لهجات مختلفة مش خليجية , بل من السعودية فقط ! كما تعرفون اللهجة تختلف من منطقة لأخرى , وابئوا بقى وروني حتعملوا ايش ........ وقد أعذر من انذر ........
ارجعوا زي زمان ....... وئولوا للزمان : ارجع يا زمان .... :D Noody30
المثل الاول سامعته من اخوي ....... مرة قال لي عليه , و عجبني ....
بس حلوة الامثال الباقية , خاصة ( بعد ما كل و اتكى ....... )
وعلى فكرة أنا أعرف أغلبهم , أصل احنا في الخليج , عندنا دكتوراة في اللهجة المصرية , لان نتفرج على المسلسلات و الأفلام من زمان أوي اوي اوي ....
أيام الأبيض و الأسود .... لهجتكم خفيفة و حلوة و بسيطة الفهم...
حاليا ينافسكم في الساحة ,,,,,, الاخوة اللبنانين ....... وانا أحب هاللهجة اللي كلها دلع و غنج ....

أجل تقولين يا نودي ... عجبك الرابط ؟
الحمدلله ........ والله اني انبسط لما يعجبكم الشئ ,,, بس أهم شئ لا تجاملوني ....

السلام : سنة
ورده : واجب
:icon33: انتي بتئولي ايه بعد ما سلمتي ! دا أنا غلبببببببببببببببببان :icon33: