هبهوبه ميرسي يا حبيبي علي المعلومات وان شاء هابعتلهم ايميل اسْل علي الاشعه
وبالنسبه للدكتور ممكن تحطي عنوانه في حاله لو احتجته وجزال الله كل خير
و معلش نسيت اعرفكم علي ينفسي
اسمي يا ستي ولاء 26 سنه متزوجه اجنبي مسلم من سنتين وحامل في الشهر السادس
وعايشه في انجلترا بس مؤقتا وان شاء الله ناوين نستقر في مصر
شوفي يا ستي ان شاء الله انا نازله مصر زياره الاسبوع الجاي لمده اربع اسابيع

وصح انتي فهمتي صح هاولد في انجلترا لان لما ارجع هاكون لسه في الشهر السابع وديه بلد جوزي واحنا عايشين هناك
وسلام

صباح الخير عليكم جميعا
ازيكوا عاملين ايه
عارفة يا هبة انا كمان مقاطعةالتليفزيون فى رمضان
مجرد البرامج الدينيه
فى برنامج بييجى على اقرا الساعة 6:15 تقريبا او بعد كدة للدكتورة نوارة هاشم عن شكر النعمة لله
بصراحة الست دى جميلة ورقيقة وربنا يكرمها حاولوا تتفرجوا عليها لان فعلا احنا عندنا نعم كتيرة من ربنا ومش حاسيين بيها

مساء الخير....حابه اسال البنات المصريات اززاي بيعملوا البليله؟؟لاني بشوف خبيرة تغذيه مصريه دايما بتقول اكلوا اولادكم البليلة

ولاء هتنورى مصر ان شاء الله وتقومى بالف سلامه بعثت لكى على الخاص وما تحرميناش من طلتك
سمسمه او هبهوبه بقى ما عرفتش اشوف البرنامج الى قلتى عليه النهارده التاتار كانوا عندنا فبدخل الحمام لما النور يطفى بس - اعمامى واولادهم واحفادهم والهوانم مراتتهم الى لزقين فى كراسيهم وانا بخدم عليهم - عموما بكره باذن الله هشوفه

ام ياسمينا
ماما بتعمل البليله كالاتى
بتجيبى القمح بتغسليه وتسلقيه على نار هادئه قوى احنا عندنا دماسه للفول عباره عن سخان ذو حراره هادئه يعد يشتغل على القمح طول اليل الصبح هيبقى عندك بليله تحطى شويه فى الطبق وعليهم سكر ولبن وممكن تحطى ماء السلق بدون لبن وممكن خليط من الاثنين والبليله فعلا فوايدها هائله