السلام عليكم ورحمة الله وبركاته.........ومساء الخير على كل الحوائيات العاطلات...
بنات بالله عليكم ما طفشتوا من البطاله ما مليتوا من الحياه اللي بدون هدف؟,,ماودكم تصحون يوم وتلقون أنفسكم موظفات ومحافظكم مليانه من جهدكم وتعبكم:7_5_131:؟
أنا لي ثمان سنوات من تخرجت وبصراحه طفشت وما أقول الا الحمدلله على النعمه,,صحيح اني متزوجه وعندي عيال,بس ودي يكون لي شغل خاص فيني أحقق فيه طموحي وأحس فيه بكياني واستقلالي المادي...ودي أكون مشغوله بشي مفيد:f226:,ودي أشوف ناس جديده ويكون عندي صديقات أتواصل معهم يوميا مثل أيام المدرسه,,أحس حياتي فيها ركود فظيع حتى السوالف والمواضيع نفسها ماتتغير...ودي يكون عندي راتب أصرف منه على نفسي وعلى عيالي وما أحاتي الميزانيه,,أدخر منه شوي وأتصدق منه شوي وأصرف الباقي على كيفي بدون ماأمد يدي لأحد,زوجي الله يخليه لنا مايقصر بس في النهايه مافيه مثل الاستقلال المادي...ودي وودي بأشياء واجد ومعلقه كل آمالي على الوظيفه وكأني بملك الدنيا اذا لقيتها.
طبعا قدمت على وظايف وبقدم ان شاءالله على وظايف ثانيه بس أحس بيأس فظيع لأن كل شي يمشي بالواسطات :arb:مع اني حاولت بالواسطات بس يبي لها واسطات كبيره وبدونها مايمشي شي...أحيانا أفكر مافيه طريقه سحريه أتبعها عشان أتوظف خصوصا اني مقدمه حاليا على وظايف ولسه مافيه خبر مع اني جامعيه والسي في حقي مليان مؤهلات بس ماحولي أحد:44:!!
white sands @white_sands
عضوة نشيطة
يلزم عليك تسجيل الدخول أولًا لكتابة تعليق.
الله ييسر لك وييسر لي ويسخر لنا من هو أقوى منا...بالنسبه لي صعبه أقتنع بوضعي وما تتخيلين شقد معلقه آمال على الوظيفه!
والله حاسه فيك عل اني مالي متخرجه الاسنتين بس ملل فضيع
ان شاء الله ربي يرزقنا بالوظيفه عاجلا غير اجل
ان شاء الله ربي يرزقنا بالوظيفه عاجلا غير اجل
الصفحة الأخيرة
بس من العام بعد ما كملت 9 سنوات خلاص يأست واقتنعت بحياتي واشغلت نفسي ببيتي وعيالي وعالم حواء
الله ييسر لك وتلقين الوظيفة اللي تريحك