فراشه فوشيه عسل @frashh_foshyh_aasl
عضوة فعالة
جانا الخير جانا والفقر خـلانـا..قصتي مع ازمــة جـوع ههههههههههههه
السلام عليكم ورحمة الله وبركــاته ....كيفكم حبيباتي ..وحــشـتــونــي >>>متعوده تقولها لزميلاتها
حبيت اكـملكم باقي مسيرة مواقفي ...موقفي المره هذي مـجــاعه :hahaha:مريت فيها الله لايوريكم
اتــــــركــكـــم مع مــجــاعــتي يؤ اقصد اترككم مع قصـتــي:
يوم كنت ادرس بالكليه طبعا كنت ادرس بمنطقة بعيده عن ديرة اهلي في شقه مع مجموعه من البنات
من جماعتنا يدرسون معاي بنفس الكليه وكل اسبوع دور وحده من الامهات تجي تجلس معانا بنفس
الشقه اخوي كان يدرس معاي بنفس المنطقه بس جالس بشقة عزاب واغلب روحاتنا لأهلنا في
الويكند(خميس وجمعه) ... عاد مر علينا هالاسبوع
ولارتبنا امورنا فيه وجاا يوم الربووع>>>الاربعاء بس هذا اسم الدلع.... كنت مروحه من الكليه تعبانه
وماصحيت الا المغرب ..الام الموجوده معانا صحينا انا وزميلتي المقربه لقيناها مروحه مع بنتها
والبنت الثانيه مروحه مع اخوها واخوي مخبرني انو بيسافر جده وقال روحي مع الخاله اللي عندكم
(كنا متعودين نروح مع بعض بسياره وحده وكل مره مع اخو وحده من البنات) وصحيت من التعب
والناس مروحه ماغير راسي وراس خويتي بالشقه :( وعاد ياذيييك البلشه يوووم فتحت
محفظتي انصدمت مااخذت احتياط ان مامعي فلوس حاطه ببالي اخذ من اخوي
وخويتي مفللللسسسسه ماغير كم ريال ووقتها تونا دراسه بالشهور الاولى ماطلعنا صرافات
كنا خلاص بنطلع صرافات>>>ماهي مشكله نقعد بالبيت وش نبغا بالسوق>>>البلشه يابنات يووم دخلت
المطبخ وافتح الثلاجه وافتح الدواليب وماافيه غير الصحون :06:وآآآآآآآآخ يابطني
وشوي افتح درج كبير الاا الاقي فيه رز ( الله يهديها الخاله رووحت وخلت لنا المطبخ فاضي وفلوس
البيت معها )>>ياليتها جت على يوم الا ربووع وخميس وجمعه .... قالت زميلتي انا جوعااانه
وش بنسوي كل هالمده وحنا طفرااانين والمطبخ فاااااااااااااااااضي ماغير شوووووية رز وحبتين طماطم
وملح >>>عاد قامت تتريق قالت ومويــــا المواسير >>>الله يهدي الخـــــــاله
قلتلها لاتخبرين اهلك بس بيشيلون هم ومافي احد بيروحنا نستنجد بالجيراان وياذييك النكبه ذاك
اليوم اللي حتى الجيران طلعو مسافرين... المهم ونروح ننشغل شوي بالبيت... يوم جت الساعه 11
تقريبا الا بدت سيمفونيه البطن تغرررد وبدا الجوع يشتد والله كنا جوعانين جووع عاد البنت اللي معي
ماتسعفني بشي ابد(الاخت كانت مدلله ببيت اهلها) ماتعرررر ف تطبخ ولاتعرف تتدبر بشي ابد
قالت لاااااااااعاد بطني بدا يصفر وش ذا الجوع بروح اسوي من الرز لو اسويه بس بمويا ههههههههه
>>>الجوع خلاها تدخل المطبخ غصب من بعد ماكانت غشيمه حتى بالغاز ماتعرف كيف تشغله من قلة
تدبيرها قلتلها>>>اجي اشغلك الغاز قالت لا عرفتله من بعد هالشقه خخخخخخ>>وتشمر عن
ساعديها وتدخل المطبخ وماادري كيف سوت الرز المهم ماجلست ثلث ساعه الا هي بالصاله
تناديني بكل صوتها يالله تعالي جا العشاء لايفوتك المندي >> واروح واجلس على السفره
>>>قلت ماشاء الله قالت لاتسأليني كيف سويته بس عبي بطنك الله لايعود ذا اليووم هههههه
ووالله يابنات الرز لاطعم ولاغيرره ههههههه وحب حمام مو رز بس اكلناه وحنا مانشوف والله خلصنا
الصحن كله( ولله الحمد) يوم خلصنا قالت ادري انه حب حمام مو رز بس احسن من الجوووع
قالت عاد يالله اليوم اكلنا رز بكره وش نـــاكل ووجيهنا :confused:..........وشوي تتصل امي قالت
ليه ماروحتو المهم احكي لها السالفه قالت اجل روحو عند جارتكم لاتجلسون لحالكم وخلي
جوالك بيدك على طوووول قمت اطمن امي قلت حنا عندنا الجاره .....واليوم الثاني(الخميس) صحينا
الساعه عشره تقريبا ونجلس سوااليف على غسيل ملابس ووو..يوم تذكرنا ان ورانا غدا
قالت زميلتي على فكرره ليش مانروح لراعي البقاله وناخذ منه ونرجع له الفلوس بوقت
ثاني وهو عارفنا مايقول شي قلت والله جبتيها ويننا عنها من امس ..ونلبس ونروح للبقاله
يوم دخلنا مت من الضحك من وجه زميلتي :eek: >>>باين من عيونها هههههههه طلع
راعي البقاله ماهو اللي نعرفه ودايم نتسلف من البقاله ونرجع له بوقت ثاني مع الخاله
طلعو مغيرينه وجايبين واحد ثاني ههههه زميلتي شوي وتصيح وحنا راجعين من
القهههر قلبناها تريقه قلت لزميلتي ماباقي غير نبيع شي عندنا بالبيت خخخخخخ
ونجلس بالبيت انشغلنا باغراضنا ونرجع للرز اللي مافيه غيره ولله الحمد وهالمره
خلص الطماطم ههههههههه وجلسنا على الرز ويالله يالله صبرنا انفسنا لين الجمعه
واخيراا الظهر جتنا امي>>> وجــــــــــانا الخير جانا والفقر خـــلانا:f226:وانتهت الازمه الماليه
والجوووع>>>> عاد يوم درت امي اخذت منها تهزئ مانسيته ..ليه ماروحتو وكلمتوهم
من بدري ..وليه جالسين لحالكم ولاتكلمتو وليه وليه ووو ....هذي المجاعه يؤ اقصد هذا
الموقف مخلد في الذاكره :rolleyes:....هههههههههههههههههههههههههههههه
وتوتته تــــوتـــــــه.............خلصت الـمـجاعه
ودمــتــــــــــــــم ســــــــــــــــــالمين
ا
37
5K
يلزم عليك تسجيل الدخول أولًا لكتابة تعليق.
سوما..
•
الله يسعدك ضحكت من قلب
الصفحة الأخيرة