جانا رمضان وقهوتنا لااااازم تكون تماااااام !!

احسن قهوه وفعلا مايبغالها اي كلام هي ....هرري درجه اولا ...والبن اليمني ...وطريقتي للقهوه ..قهوة الحرمه السنعه ..احمس البن على نار خفيفه ومعه الشيبه .ماهو رجال كبير ههههههه...لا نوع من البهار عند العطار يعطي القهوه رائحة جميله ..واذا صار لون البن اشقر غامق يعني الون ما يكون فاتح ولا غامق با لمره...وقبل ماتطفين النار تحطين البان مستكه حق القهوه وانتبهي لا تحطين حق البخور ..قولي للعطار ابغى البان مستكه حق القهوه وهو بيعرف ..وبنسبه لشيبه توضع ايضا مع الشوربه تعطي مذاق رهيب ورائحه جميله ...وللمعلوميه ..اذا قمتي باعداد القهوه لاتطول على النار تطبخ والزعفران حطيه اول شىء وخليه يغلي مع المويه غلية وحده ثم بعدين البن حتى يطلع الون روعه.وشكرا.

رشاشة يا قلبي شكرا على مشاركتك
بس ودي اسألك كيف شكل الشيبة علشان اعرفها لا عطاني اياها العطار عشان لا يلعب علي
والمستكة تبع القهوة كيف تفرق عن حقت البخور بالشكل والا وشلون ؟؟

انا ااخذ من الرفاعي قهوتهم حليووه والمهباج احيان واحيان مو دايم قهوتهم تكون زينه واذا انتي راعيه قهوه ومزااااااج راح تعجبك القهوه البريه اكثر من الهرريه والخولاني بعد زينه
ااخر مره انا جربت اشتري كيس قهوه ونقيته ونظفته وغسلته وجففته وبعدين وديته عطاار يحمصه لي ويطحنه وياخذ على الكيلو ريال تحميص وريال طحن اريح لك من التحميص بالبيت ووووو بس
بنت اجااويد وش رايك تتقهوين عندي بكره

صادقه ام فصوولي نفس طريقتي اشتري قهوتك نظفيها نقيها غسليها وجففيها
بعدين وديها المحمصه وخليه يضيف لها شوي مستكه ونصيحه لا تطحنينها كلها كل فترة اطحني شوي ..
وتراني عازمه نفسي على قهوتك ام فصوولي ............

يابنت اجاويد الشيبه معروفه على المستوى العالمي والكل يعرفها ومعروفه عندنا ياسعوديين ودول الخليج ...لونها مائل لسواد والرمادي وهي مثل الاوراق الصغيرة...ويابنات رجااء الي يعرف لها اسم ثاني ترد ...وبعدين احسن شيء ان الوحده تحمس بنها قهوتها بنفسها لان العطار ولا الطحان ادواتهم مغبره ويطحنون اشياء كثيره في طحانه وحده ويصير طعم في القهوه ماهو زين .وبنسبه للمستكه اتوقع في فرق لان فية للبخور وفيه للقهوه والله اعلم .