جاني تعاقد ومني عارفه كيف اتصرف؟؟؟ امانه ابي مساعده

الله يوفقك

ماحبيت ادخل بدون مارد

تخيلي أنا جاني التعاقد بعد 6 سنوات من تخرجي وكنت حامل وتوفى عمي وأهلكتني شغالتي بالعناد وولدي يدرس وكان شقي جدا وطفلي الثاني صغير
وأدرس العصريه معهد حاسب والحمدلله كملت بس كان بأبتدائيه بقريه وحالتي حاله والحمد لله ع كل حال
كنت ناسيه كل شي درسته ومادري شلون أبدرس وأشرح تخيلي وكنت أدرس مواد مو تخصصي ووافقت بعد الحاح والحمد لله كانن شهرين بس كانها سنتين .
فيه موقع التربيه والتعليم العام راح تستفيدي منه كثير.

ما اعرف

الله يوفقك ويسهل امورك

حبيت انبهك ما تجوز كلمة امانه

هلا حلى مارس حبيبتي لاتتركي الفرصة تروح عليك الفرص احياناً مابتجي غير مرة واحدة وفرصة لك كمان انك تستعيدي كل مادرستيه وخبرة الاهم والاساس بس ياليتك ترسليلي ع الخاص كيف التقديم من وين يعني وشنو تخصصك وتقديرك لو تفضلت؟وربنا يوفقك ويسهل لك امورك :26:

حبيبتي ان شاء الله ربي يوفقك ولا تتركيها روحي واستعيني بالله وانا زيك مرة اتعاقد ومرة بالبيت
اولا لما تروح المدرسة لازم تطلعي على ملف المادة الخاص بالمواد اللي راح تدرسيها اطلبيه من المديرة او الوكيلة واذا ما لقيتيه اطلبيه من مكتب الاشراف وراح تلاقي فيه كل الاشياء المتعلقة بالمادة
ثانيا لاتترددي في طلب المساعدة من المعلمات لانهم كانو بيوم من الايام زيك محتاجين مساعدة
ثالثا بالاول كوني حازمة ولا تعطي البنات وجه ثم ليني معهم ووسط لا ضرر ولا ضرار واهم شي احترميهم علشان يحترمونك ولا تستهزئي بهم ...وهالايام فيه بنات ماينفع معاهم شئ لا اللين ولا الشدة والله المستعان هالنوعية اذا مليت منهم طنشيهم
رابعا تدربي على الالقاء في البيت اذا كنتي بحاجة لذلك يا امام مرآة يا على اخواتك ..باول يومين يمكن يكون صعب شوي بس بعد كذا راح تندمجي وتنبسطي
خامسابخصوص المنهج هو كل شوي يصير تغير حتى المعلمات القديمات ياخذون دورات في المناهج والتقويم وحتى انت راح تطلعين معاهم عليها
سادسا الله يوفقك واستخيري قبل كل شئ
اتمنى اكون افدتك