السلام عليكم
ضايق صدري من يوم سمعت الخبر!
بقولكم قصة قريبتي..
هذي تزوجت بعمر صغيره جلست فترى مع زوجها ولا حصل حمل حاولوا عالجوا راحوا لأغلب المستشفيات طلع العيب من زوجته، سوو اطفال انابيب كم مره وفشلت وكثير عمليات باتت بالفشل..
زوجها كان يحبها وهي تحبه
كم مره قالت امه وخواته تزوج عشان تجيب لك عيال في البدايه كان يرفض لين صارح زوجته انه يبي يتزوج عشان العيال وهي تبقى على ذمته يبيها ويحبها وافقت زوجته خطب كم مره ورفضوا
بعد سنه خطب وحده من قرايبه كانت مطلقه قبل وعندها ولد مع ابوه وافقت عليه بس شرطت؟!
انه يطلق زوجته ماترضى تاخذ واحد متزوج.
فعلاً طلقها وهنا عرفت زوجته الي هي طليقته انه ماعاد يبيها يبي يشوف عياله
طلقها بعد زواج دام ٢٣ سنه💔
واليوم جاني خبر زوجته ولدت جابت ولد
ياترى وشلون طليقته يوم سمعت الخبر!
الله يخلي ولدهم ويحفظه من كل شر ويجعله من الصالحين
بس جداً حزنت وتعاطفت مع طليقته عسى الله يعوضها ويجبر كسرها ويكتب اجرها
بنات ترى مجرد فضفضه
دعواتكم لطليقته..
أم الحلوه1 @am_alhloh1_1
عضوة جديدة
يلزم عليك تسجيل الدخول أولًا لكتابة تعليق.
المفروض تفرح انها عرفت معدن زوجها قبل لايجيب الزوجه الثانيه فوق راسها كان الان الثانيه تمشيه يمين ويسار على كيفها وتحرضه ضدها ليل ونهار وهو ينفذ كل اوامرها
الا تسجد سجود شكر ان ربي فكها منهم والمفروض تكون نفضت حزنها وقامت شافت نفسها وحياتها لاتقعد تبكي على الاطلال وعلى واحد مايستاهل تلتفت لنفسها وحياتها وتعيش وتنساه وتنسى اللي خلفوه
الا تسجد سجود شكر ان ربي فكها منهم والمفروض تكون نفضت حزنها وقامت شافت نفسها وحياتها لاتقعد تبكي على الاطلال وعلى واحد مايستاهل تلتفت لنفسها وحياتها وتعيش وتنساه وتنسى اللي خلفوه
💕گادي💕
•
استغرب من اللي تتزوج معدد وتطلب منه يطلق زوجته ؟
معقول ماتخاف من ربها ينتقم منها؟
واستغرب واستحقر رجال يطلق زوجته بعد عشرة عمر طويله بسبب شرط طلاقها مقابل الموافقه عليه؟
الله يعوضها باللي اطيب منه
ياخسارة عشرة عمر مع اشباه الرجال
معقول ماتخاف من ربها ينتقم منها؟
واستغرب واستحقر رجال يطلق زوجته بعد عشرة عمر طويله بسبب شرط طلاقها مقابل الموافقه عليه؟
الله يعوضها باللي اطيب منه
ياخسارة عشرة عمر مع اشباه الرجال
الصفحة الأخيرة
ع بالي بتقولين ماتت او جاها مرض خطير او او او من مصائب الدنيا !!!
واذا طليقها جاله ولد وش المشكله !!! بالطقاق فيه وش عليها منه مابينهم شي يربطهم الحمدلله وكل واحد راح بحال سبيله
لو انه رجال مارضى يطلق زوجته اللي جلست معاه ٢٣ سنه ع الحلوه والمره ولا سمع شرط المخببه اللي طلبت طلاق زوجته
يبي عيال من حقه بس كان ترك زوجته ع ذمته ماراح طلقها وبدل اللي خطبها كان خطب غيرها ولا وافق ع هالشرط الغبي
اصلا مايجوز هالشرط ياتوافق عليه او ترفضه بس تطلب هالطلب حرام عليها وهو ماعليه حسوفه لانه وافق الرخمه
لو هو اللي مايجيب اطفال كان صبرت عليه بدل ٢٣ سنه طول العمر ولا تركته وكان تودد لها ولا طلقها لانها صابره عليه