جاني خطيب وامي رفضته على طول لانه معدد وما قالوا نفكر في الموضوع

انا عمري ٢٣ ثلاث وعشرين خطبني واحد عمره في الاربعين متزوج وعنده اولاد وذي اول مرة انخطب فيها بس امي رفضت على طول وقالت حق ابوي قل له ما في نصيب ما فكرت تاخذ رايي او تشوف المناسب لي مستقبلا هي اصلا رافضة فكرة الزواج من معدد لان جدي الي هو ابوها تزوج على امها وجدتي انهارت وانصابت بالشلل الله يرحمها ويرحمه وجميع موتى المسلمين بس جدي الله يرحمه سكنهم في بيتين متجاورين يعني صاروا مثل الجيران بس انا غير امرته الاولى في مدينة وانا بيسكني في مدينة ثانية بينهم حوالي ١٠٠ كيلو يعني اصلا ما راح نشوف بعض ليه ترفض بعدين حتى لو سكني في نفس المدينة مو معقولة ترفض بس عشان انه متزوج البنات مب كلهم تفكيرهم واحد انا ايش علي منها لا راح ازورها ولا راح اشوفها هو يوم عندي يوم عندها
وابوي ابدا ما شاف الجانب الايجابي من الموضوع ابدا ما قال بنتي بتتزوج الله يوفقها يكون وراها رجال كفو بعد ما اموت وما قال انها بتستقر حالها حال البنات الي في عمرها مع ان بنت جيرانا تزوجت في ثالث ثانوي
وامي الحين قالت للجارات ان واحد متزوج جاي يخطب بنتي وقالت حق خالاتي وخلت الغلط عليه هو ليه يتزوج وهو عنده زوجة وعيال خلت الغلط عليه هو مع ان هي الغلطانة رفضت نصيب بنتها وخلتها قاعدة عندها في البيت مع ان الي حوالينا في عمري يتزوجون واصغر بعد مثل بنت جيرانا وهي عارفة ان هذي اول مرة يجيني خطاب فيها