جاني شغل لكن امي احبطتني وزعزت ثقتي بنفسي ارائكم

السلام عليكم ورحمة الله وبركاته

باختصار وادخل في الموضوع دغري انا جالسة في البيت هالفترة ولا شغلة ولا عملة غير اجلس على النت واطفح وانخمد وان كان اشتغلت في البيت شوية

لكن عموما احس وجودي زي عدمه في الحياة وانا اكره احس انو مالي نفع على الاقل لنفسي او لغيري

المهم فكرت وفكرت وفكرت في شيء يدخلي دخل في الاخير قلت اسهل ما يكون الاكل خصوصي اني لي مراق في الطبخ والنفخ :21:

فبما انو الحج ومن عاداتنا في منطقتي المعمول والغريبة في الحج حطيت اعلان في مكان ما اني انا اقدر اسوي معمول وغريبة و بيتفور

واخيرا بعد اسبوع انتظار جاني اتصال من واحد يقول انو عندو محل وبدو بالتقريب يمكن 20 كيلو او 25 كيلو يوميا مشكل من ( الغريبة - المعمول - البيتفور )

طبعا اذا ناسبه السعر

على اساس بس اسويه واخبزه وهو يغلفه ويبيعه في المحل بطريقته ويجي ياخده من حدي في البيت

وانا اعرف اسوي معمول بس انتو عارفين شغل المعمول

فقلت لامي وفي البيت عندي اخوان بس محد يساعد بشيء يعني ما في الا انا اشتغل

فهل معقول اقدر اسوي ال 25 كيلو ويوميا لوحدي

؟؟؟؟؟؟؟؟؟؟؟؟؟

امي ثبطتني كالعادة انا قلت فاتحة خير وخليني اجرب وفي اي وقت اقول للرجال من قبلها اني خلاص مثلا دا الاسبوع اخر اسبوع وهو يدورله على احد

طبعا هو قالي اذا عندك كمان معجنات انا اخد

انا عن نفسي بعد كلام امي احبطتني مررررررررررررررررررة زي عادتها تجبلي كل مصايب الدنيا في الشي الي بدي اسويه لين ابطل وكدا جالسة زي الكلب في البيت اش استفيد

؟؟؟؟؟؟؟

الله يهديها ويصلحها هي عشانها مريضة وعندها شغل البيت ومن التعب فمعد نفسها تسوي شيء ابدا

فاش رايكم اخواتي

انا كل خوفي من شي واحد اني ما اقدر اوفي الكمية يوميا

2/ خايفة اني امل واطفش واترك

3/ خايفة انو يخرب عليا لانو عندي المقادير ويزبط الحمدلله وكل مرة نسوي طيب لكن برضو اخاف انو يسير اي شيء لانو احيانا بعض السنوات يكون ناشف او كدا او كدا انتو عارفين

فاش رايكم


انا فكرت بشي تاني بعد ما احبطتني امي اني مثلا اقول للرجال على الاسهل عندي والي احبه اكتر رغم انو المعمول وكدا برضو سهلين ولو يدي تاخد عليه اقدر بدون مساعدة امي طبعا في العجن بس لاني التشكيل ما علي والحمدلله سريعة انا

اقول للرجال خلاص بس اقدر للمعجنات يعني ( سمبوسك بانواعه عجين ورقاق وبحشوات مختلفة و منتو وفرموزة وفطاير اعرف اسويها انا وكدا )

واذا قبل اصلا اكمل

او لا اكلم ابويا اذا وافق من الاصل يشترلي المكونات دائما ويستقبل الرجال ويعطيه الاغراض بعد ما تجهز كل يوم واتوكل على الله ولوحدي

اش رايكم مالحل ؟؟؟؟؟

في كمان شيء اني ممكن في واحدة تقربلنا وممكن تساعدني بس بيتها بعيد عن بيتنا وشغلتها شغلة مين يوديني كل يوم عندها وكدا

وغير يتقسم الرزق واصلا تعرفوا في البداية فما في فلوس كتير اصلا

اش رايكم ؟؟؟