جاني متوتر وخايف

السلام عليكم 
قبل فترت تقريبا 7 شهور جاني زوجي ضايق خلقه من خويه هذا سلمكم الله سبق وكتبت عنه انه الله مارزقه بأطفال وله 9 سنوات متزوج 
وصار يسافر كثير 
طبعا ماكنت اعرف نوع هذي السفرات بس من يقولي زوجي بسافر معه يمغصني قلبي كنت حاسه ان خويه هذا مو مضبوط 
طبعا نكمل جاني زوجي قبل 7 شهور متضايق قلتله وش السالفه قال خويي له شهر ماندري وينه مسافر بس ماندري وينه وصار يسافر كثير مايمر اسبوعين الا ويسافر 
وصار مايجتمع معنا زي قبل
قلتله اكيد شايف له شوفه هناك 
وفعلا رجع خويه وهو متزوج او صداقه ما اعرف بالضبط بس اللي فهمته متعرف على وحده وسرقته وهربت وكان جدا متأزم نفسيا ومتضايق وقالي زوجي انه غيرو رقم خويه عشان ماعاد يتواصل او تتواصل البنت معاه 
بعدها نصحت زوجي يبعد عنه وانه تراه شخص  ويجيب المشاكل لك واذا بتسافر لا تسافر معه
وانتهى الموضوع 
بعد تقريبا فترت 6 شهور جاني زوجي 
قالي ان جوال خويه بأسم زوجي لان زوجي موظف بالاتصالات ويخصمون الخويه بالفاتوره 
قلت طيب وش فيه قال بصراحه الحرمه هذي حاولت شكلها ترجع الخويي وشافت جواله القديم مقفل قامت دخلت رقم خويي بالنبر بوك اللي يطلع الجوال بأسم مين وطلعلها أسمي وطلعت كل الارقام اللي بأسمي 
رقمك انتي بأسمي ورقم اخواني ورقمي الله يستر تدق علينا
قلت ياحبيبي وش مطلوب مني قال ابيكي ماتردين عليها لو دقت قلت بس ابشر طبعا كنت ناويه لو دقت اتأكد وش قصتها واشوف زوجي وش علاقته بالسالفه بس مادقت
بعد تقريبا 3 شهور جاني زوجي متقلب وجهه قلت وش السالفه قالي تخيلي دقت علي وقامت تهدد وقالت وين فلان اللي هو خوي زوجي ابي فلان
عطني رقمه الجديد ولا بدق على كل الارقام اللي عندك وبأذيك 
يقولي انه حطلها حظر وقامت تدق عليه من ارقام ثانيه وتأذيه 
بالاخير وقبل شهر اضطر يغير رقمه وجاب رقم ثاني ومو بأسمه 
نجي الحين الزبدت الموضوع 
قبل فتره كانت الدوره علي ونفسيتي زفت 
وبس معصبه ومالي خلق احد 
وزوجي كان ملاحظ هذا الشي وكان مداريني بشكل ووش فيك ياقلبي زعلانه ويطلعني مطاعم
استغربت ذا الدلع كله صراحه بالعاده لو اقول اف طفش
يقولي عاجبك ولا انقلعي لأهلك وش عدا مابدا تغير فجئه ودلع ودلال 
المهم مرت الايام وجاني اليوم مقتلب وجهه وماقدر ينام وخايف ومتوتر كنت انا على التلفزيون بالصاله وهو بغرفة النوم وبس يدخل ويطلع علي 
وجاني قال عجزت انام عطيني جوالك اتسلى على الصور وتكفين سويلي عصير برتقال
قلت ابشر ورحت قمت ويوم جبته ويسكر الجوال فجئه وشرب شوي وراح ينام وفتحت الجوال ولا هو على صفحة المحضورات بالواتس اب وحاظر رقم 
انا اسكت وطنشت وقلت الصباح رباح 
طلع عقب ربع ساعه وجاني
قال بصراحه بقولك شي قلت اسمعك
قالي تذكرين سالفه خويي والحرمه اللي تعرف عليها
قلت ايوه 
قال كل شي طاح على راسي انا الله لا يوفقه
قلت هدي وقلي وش الوضع
قالي تخيلي اليوم دقت على اخوي 
وقالت ابي فلان وصلوني الرقمه واكيد بكرا بتوصلك انتي
قلت اخوك موظف مثلك بالاتصالات عجزان يحط رقمه بأسمه هو موظف مثلك ويجيه خصم قال لا انا خصمي اقوى لاني عميل تميز وهذا اللي خلاه يحطه بأسمي 
قلت ماعلينا المهم المطلوب 
قالي ريحي بالي تكفين وغيري رقمك
انا غيرته كله عشانها سحور وبلاوي من ذا الحرمه وخايف صراحه منها
قلت لا تخاف لو بتدق كان دقت من زمان ولاتوسوس وتخاف وانت ماسويت شي غلط ليش خايف ومتوتر
امشي عدل يحتار عدوك فيك بما انك ماسويت شي تخاف منه لا تتوتر او تخاف 
عاد زوجي قالي يعني شلون ماتبين تغيرينه
قلت ماراح اغير رقمي عشان حبيبة خويك اللي مالنا دخل فيهم حسبي الله عليهم 
شرد شوي ومسكت يده قلتله فلان 
انت ياقلبي مسوي شي غلط وخايف علمني والله بساعدك وهذي مبادره حلوه منك انك حاولت تصلح غلطك وابعد عنها وغيرت ارقامك طبعا كله استدراج بشوف وش وراه واذا اعترف نتفته بأسناني 
قالي لا وش شايفتني وكان متوتر قلت وش اللي مخليك خايف هاالكثر قال اخاف تتبلاني وتخرب بيتي وانا بصراحه شكيت انها داقه عليك لانه قبل فتره كان ضايق خلقك يوم اطلعك المطعم وخفت يكون السبب هي 
يقصد الفتره اللي كانت نفسيتي فيها زفت بسبب الدوره يحسب الحرمه داقه علي ومعبيه راسي 
اللي على راسه بطحه يحسس
قلت انت مسوي شي تخاف منه قالي لا قلت خلاص تعوذ من الشيطان وروح نام 
انا يابنات خايفه يكون الزوجي دخل بالسالفه مسوي شي وخايف منه توتره هذا مو طبيعي ليش خايف هاالكثر وهو ماغلط 
انا طبعا طمنته وراح نام بس ماش سالفه خويه وانه حاط الرقم باسمه ونبر بوك احسها سالفه مؤلفه من زوجي نفسي افهم الوضع وشو 
 خايفه وعجزت انام 
انا فعلا اذكر خويه راعي حركات وانسان وسخ وراعي حريم بس مدري هذي القصه متعلقه بخويه ولا يكذب