آنسة فلة

آنسة فلة @ans_fl

عضوة فعالة

جاني واحد قال بسأل كم سؤال .. وأنا ماني خبير!!!!

الأدب النبطي والفصيح

جاني واحد قال : بسأل كم سؤال
وقبل يسأل قلت : أنا ماني خبير !

قال: جاوب بس , يا ولد الحلال
وكل كلمه حِطَّهَا .. بشطرٍ صغير

قال نبدي : وش هو تعريف المُحال ..؟
قلت :
خَل هالكلمه فـ البيت الأخيـر ..!

القهــر : إن شفت دمعـات الرجال
و الوطن : ( إنسان ) .. مِتغيِّر كثير


و الطفل : لعبه على شاطـي الرمال
و الأمل : إحساس في عين الضرير


الوفا : .. يجمَعهُم حلال
و الرَجُل : اللـي علـى أهلـه يغير


و الرجا : لا قلت : للواطـي تعال
و الفشل : مدري !!.. ولكنـه مرير


و الشعر : في وقتنا .. بدر و طلال
زي أوَّل حيـل يعجبنـي جرير ..!


و الغلا : إحساس إلى حَـد الخيال
و العِشِق : لا شفت مَعشُوقِك تطير


و الجفا : إعكس مفاهيم / الوصال
و الوَصِل : يعنـي تأكَّـد فيك خير


و العقل : تِسْفَـه أقاويـل الجهال
و الجهل : إن قلت عن نفسك كبير


و الخطر : لا صار ما عندك مجال
و البلا : إن صرت معدوم الضمير


و العجب : لا صرت تسأل منهو قال
و التعب : إن كنت تِبْحَثْ عن مصير


والغنى : بالنفس ما هو راس مال
و الفقر : من كان .. بـ أعماله فقير


يكفي يكفي .. أسئله إنهي الجدال
ويـ الله علمني عَن .. السِّر الخطير

..

..

..

صاحبـي وإن ضاقت بعينك ليال
لك فرشت القلب مفروش الحرير


في .. ممنوع العقال
والمصيبه الشعب ما إختار الأمير


وما ألومك .. كان شدِّيت الرحال
دام بيتك جرح / وفراشك حصير
هذا تعريفي إلى كلمة : مُحَال



شيء ودِّك فيه ولا يمكن يصير ..!:(


منقوول
7
2K

يلزم عليك تسجيل الدخول أولًا لكتابة تعليق.

تسجيل دخول

sooooma
sooooma
الصراااحه ذوووق و اعجبتني كثيييييير و استمتعت بجد والله ذووووق
** نبع المحبه **
صح الله لسآإآإن شــــــــآعرهــآ
ولاعدمنآإآإكـ يالغلأآآآ
قصيــدهـ قمه في الرووووعه ,,
..حكاية صمت..
..حكاية صمت..
هذا تعريفي إلى كلمة مُحَال



شيء ودِّك فيه ولا يمكن يصير ..!:(



رااااااااااائع

يسلمووووووووو
ܔْށ سكآيب عطر ܔْށ,
ابيات روووعه من جد


لاهنتي يالغلا
حياتي كذا
حياتي كذا
ابيات روووعه من جد لاهنتي يالغلا
ابيات روووعه من جد لاهنتي يالغلا


قصيــــده رائعــــه برووعة ناقلتـــــهاا ...


مشكووورهـ ياقلبي يعطيكـ الف عافيـــــــــــــه ...

لاتحرمينـــا جديدكـ ...

تقبلي مروري


حياتي كذا