جاني وسواس من زوجي

بنت بصراحه
شفت قبل فتره موضوع هنا تقولون بس تتكلمون
عن الجمال
طيب انا بقولكم
انا تطلقت
وجاني شبهه وسواس الجمال مستوعبين
جاني شي ماحب اشوف وجهي بالمرايه
اتضايق اذا شفت حلوات
اهملت صلاتي
حسيت ربي مقصر علي بالناحيه هاذي
وحرمني نعمة الجمال
تطلقت تدرون ليش
عشان زوجي يبغى جميله لاتقولون الجمال مو كل شي
اقسم بالله لو عندك جمال قوي بتصرين مقدسه
عند اهلك واهل زوجك وزوجك هذا بتحطيه خاتم
تلفيه زي ماتبين لاكن اذا ماعندك جمال
بتتعرضين للسخريه من اهلك وزوجك
زوجك بيقارن فيك خاصه لو كان مغزلجي
وحق حريم
زوجي كان يقولي كانك الخباز اللي جنب بيتنا!!
كان يقولي كانك واحد من اخوياي !!
كلام كبير ويجرح ويعور قلبي ولا الومه
حطيت نفسي مكان قلت مالومه والله
انا لو بمكانه رجال ابي والله ملكة جمال
ابي انام واصبح على وجهه يفتح نفسي
حطني مسخره مدة سنتين واعتقد كان يقارن فيني
واللي يعرفهم زمان مدري يكلمهم
شعري يتطنز فيه لانه خشن
وجهي ككل رسمته خشمي عيوني قببحات
صرت مااااااطيق اناظر شكلي المرايه
صرت اتمنى اموت اورتاح من هالعيشه
انا متاكده
اللي فيني مو طبيعي فيني صار وسواس الجمال
انام واصحى وانا كاني شايله اكبر هم
ليش انا مو حلوه؟
ليه الله خلقني كذا؟
ليش زوجي تخلى عني ؟
ليش زوجي اللي حبيته وجرحني جرحني
لما كرهت نفسي سوا فيني كذا من ذل
واحتقار وتطنز
والله اني اذا شفتكم تقولون الشينه ممكن
يحبها زوجه اني اضحك عليكم
انا واقعيه لاكن انتم مشكلتكم خيالين بزياده
اتحداكم اذا فيه رجل يحب ويقدس من كل قلبه
وحده شكلها ع قدها او شينه صح بيتزوج
لاكن بيعاملك عادي ولو قلتي شي قال من زين
شكلك شايفه وجهك يكفي اني تزوجتك
مقرفه
معفنه
كل هالاشياء عشتها سنتين سنتين من عمري
لما اغار عليه وافتش واحصل شي واخانقه
يقول شايفه وجهك؟
احمدي ربك اني بس اخونك ويبداء
يتلفظ ع شكلي ابشع الالفاظ
والله احيانا اشوف جمال يمين بالله اني ارجع ابكي
اقول ليه ربي ماخلقني كذا ليته ماخلقني
مادام بيخلقني بالدمامه هاذي كلن
يلاحظ وكلن يضرب مثل وحده عاديه او موب حلوه
فيني اختي مره شبهتني بممثله ياربي
لك الحمد عجزت وهي تسوي عمليات تجميل
وشكلها نفس ماهي مانفع معها وكثير يصير لي كذا
انا من قبل اتزوج كنت اتمنى الجمال
واحس شكلي ع قدي بس يوم تزوجت
وتعرضت لسب وتمسخر زوجي
عرفت نفسي
وعرفت ان لاهتمام ولا لبس ولا مكياج
بيطلعك حلوه اذا خلقتك اصلا مو حلوه