جاهم الورث والفلوس وتغيروا سبحانه اللى يغير ولا يتغير

حبيت افضفض
بيت خالى تغيروا علينا كثير بعد وفاة خالى احنا متعودين نزورهم بس مو كثير يعنى ايام الاعياد والمناسبات
ولما توفى خالى قلنا ما يصير نقطعهم بس كانت المفاجاه منهم احنا متعودين ايام العيد لازم نروح عدهم شو سووا ايام العيد طلعوا رحلة كم يوم واحنا ما عرفنا الا بالصدفة قلنا بنعذرهم بمكن حبوا يغيرون جوا بس مر العيد ولا اتصلوا فينا يعتذرون واحنا ما اتصلنا ومر ثلاث شهور او اكثر وبعدين زارونا بس كانوا متغيرين اللحين خواتى كلهم قالوا خلاص ولا نروح بيتهم ابد وبنقاطعهم لين يوم الدين وهم بعد مقاطعين
هم بعد ما توفى خالى الله يرحمه ورثوا ملايين واحسهم خايفين من الحسد وخاصة انهم سكنوا بيت جديد
والله افكر سبحان الله الفلوس كيف تغير النفوس كنت اسمع بهذا المثل بس ما احس فيه بس الحين عرفت معناه
سؤالى هل نحن نؤثم اذا قاطعناهم ما ابى اغادر دنياى وانا زعلانه مع احد والانسان ما يعلم متى يومه بس خواتى قالوا لا تروحين خير شر والمشكلة هم بعد ما يزورونا ابد ولا يتصلون :44: