تعالو اسمعو سالفتي انا متخرجه من الجامعه من 6سنين طبعا عاطله وعزباء بمرتبة الشرف كان مخي تنكه مافكرت في مستقبلي لابحثت عن وظيفه ولاطورت نفسي ومااطلع بعد الا ماندر يعني مو اجتماعيه بعدد وبس انتظر العريس اللي من كنت من الثنوي وانا ادعي ربي انه يجي ولاجاء صحيح انخطبت مرتين بس ماتمت بالذات الخطبه الاخيره جتني فيها صدممممة عاطفييييييه كبيييره لاني تنازلت من البدايه عن مبدء التكافيء بحجه تيسير الامر وكل شي يتغير بعدين وتعلقت لكن للاسف كرهت زواج الاقارب كرره الموت وخييييره هالموقف خلاني أصحى واشوف نفسي قررت بعدها اغير حياتي واخلي امر الزواج لله متى ماجا جاء وراضيه بقدري اكيد خيره والحمد لله نجحت خلال سنتين طلعت للناس وتعرفت ع ناس كثيير حتى الجيران وسجلت في التحفيظ حفظت 12 جزء من القرآن مع تجويده بفضل الله غيرت من لبسي وقصيت شعري وزدت وزني لاني عصقوله
حاولت اكون لي مصدر دخل من شغلات اسويها وانا بالبيت بحثت عن وظيفه ولقيت الحمد لله وسجلت في شركه والحين اتدرب واليوم اول يوم كنت ميته من الوناسه اني بشتغل واطلع من المقبره اللي كنت حابسه نفسي فيها المهم داومت اليوم قابلت ناس كثير كبار وصغار وللاسف الشديد جلست جنبي بزره توها متخرجه من الثنوي وقمنا نسولف مع بعض وجبنا طاري الاعمار طبعا في الشكل الخارجي انا زولي نفس زولها طبعا انا من الاحجام الصغيره طولي 150 ووزني 50 وهي جنبي نفسي بس اكثر عصقله يعني شكلي مو ع عمري ترا المهم سألتني عن عمري قلت 27 وانا اصلا 28 ناظرت فيني وشهقت 
قلت في نفسي نفس الموال اكيد اللي يقولونه كل اللي يشوفوني موب باين وكذا .. قالت يوووووو كبيييييره وماتزوجتي للحين ؟؟؟؟؟ متى يمديك اصلا تتزوجين وتجيبين عيال؟؟؟؟؟؟ سكت شوي منصدمه من كلامهااا بعديين قلت نصيييب وخييير من قال ان الحرمه عمرها يوقف عند 30 والا 27 ؟؟ ونسيت لا اقولها امك يوم جابتك كم عمرها؟؟ عندها خوات متزوجات كباار هي وبعدها اختين صغار بعدبنات كلامها حرققق قلبي رجعت وانا منغثه نغصت علي فرحتي بالدوام طيب مو بيدي صحيح انخطبت بس ماقدرت ابلعهم واوافق خلتني اتذكر الماضي واقول ليتني تنازلت بعد ووافقت بس لاتذكرت المصير والحياه اللي بعيشها اقول الحمد لله ماوافقت وفكرت افصل وارجع لعزلتي الاوله اقل شي ماسمعت هالكلام من احد شوروا علي وش اسوي اخاف استمر ونفس الشي اسمع كلام اكثر واكثر من البنات ويكرهوني نفسي وانصدم اكثر ويذكروني بالماضي اللي كنت ابكي لله ع سجادتي انه يملاء قلبي به ويرزقني نسيان الماضي من رجعت من الدوام للحين وانا مكتومه ماسولفت لامي حتى وش سويت اول يوم
الموضوع هذا مستحيييل افتحه مع احد مخنوقه وابي افضفض وحل مالقيت الا انتم خاااطري متنكد حييييل حسبي الله ونعم الوكيل .
من جدك انتي متاثره هههههه
ياحليلك ماعليك من حركات الحريم